Отправлено: 15.04.07 14:57. Заголовок: Содамоёвкст - Загадки

Кемгавтово орёлт, ведьгемень кавто чавкат, колмосядт кодгемень вете озязт — вейке ал алыястъ. (Ие.)
Вальма лангсо ашо катка ашти. (Чись.)
Ливти сёлмовтомо, чии пильгевтеме. (Чись.)
Орта велькска сивой айгор ваны. (Ковось.)
А стуки, а урны — ашо сэдь теи. (Якшамо.)
Яки пильгевтеме, кирди кедтеме, ютыцянь сивес кунды. (Варма.)
Ушосо стуки, кудос а сови. (Варма.)
Вирьстэ серьгедсь, пандсто верьгедсь, тусь иневедень томбалев. (Пурьгине.)
Мезе безменьсэ а онкстави? (Качамо.)
Кудодо кудос якстере атякш яки. (Тол.)
Монь ули букинем, Казаньс саты пулозо. (Ки.)
Тенсян — а тенсеви, керсян — а керсеви, кундсян прянзо —а макссы. (Сулей.)
Вирьга молян — цят а мери, ведьга молян — шоль а мери. (Сулей.)
Кавонест карадо-каршо ваныть, зярдояк вейс а васодить. (Лей чиреть.)
Тейтерь мольсь ведень кандомо, прась сиянь сурксозо; ков неизе — кадызе, чи неизе — саизе. (Роса.)
Ниле роботыть, Акулина кишти. (Алашань пильгть.)
Теленек-кизэнек яки шубасо ды суманьсэ. (Реве.)
Сонсь а сэреди, сонсь кувси. (Туво.)
Мезеяк эзь ёмавто — сонсь вешни. (Сараз.)
Кавксть чачсь — апак лемде. (Ципака.)
Кедтеме, узертеме — сонсь кудо теи. (Нармунь.)
Кудо пряс мезе а ёртови? (Толга.)
Пакся куншкасо почт вакан. (Нумоло.)
Кудо чапи уголтомо, реветь пани пуловтомо. (Мешке ды мекшть.)
Ливти — пижни, валги — мода чуви. (Укска.)
Вирь чирссэ пуре парть. (Коткудавонь пизэть.)
Кизна шубасо, тельня штапо. (Чувто.)
Мезе вирьсэ а неяви? (Чувтонь седей.)
Весе бояртнэ кайсизь шубаст, ве боярось эизе кая. (Пиче.)
Кизэнек-теленек од цёра. (Пиче.)
Вишка чакшке, тантей кашине. (Пеште.)
Кудонь трокс мезе а ёртови? (Комоля.)
Кенкштеме, вальмавтомо, потсонзо эрить ломанть. (Куяр.)
Прась макинешка, сась дигинешка. (Капста пря.)
Сонсь вишкине, лангсонзо сядо оршамот. (Капста пря.)
Мода потсо атине, сакалонзо ушосот. (Кшумань.)

саезь М.Е. Евсевьевень сёрмадовкснесте

 Отправлено: 17.04.07 19:21. Заголовок: Re:

Теинь лопа содамоёвксонь коряс.

 Отправлено: 17.04.07 19:59. Заголовок: Re:

chuvashon_erzja пишет:

цитата:

Теинь лопа содамоёвксонь коряс.

пек паро!!! мазы!

истямо вана тевесь - вальмасонок мелькужонть эряви теемезе одс, ды веси улевель минек вальмасонть (паргось), тесе минек архивенек-паргонок арась.
кода тень коряс арсетад? тейсынек тосо одс, ды эрьвась, кие сёрмалесь - тов путсынзе сёрмадовкснень.

 Отправлено: 18.04.07 06:13. Заголовок: Re:

erzianj пишет:

цитата:

тейсынек тосо одс, ды эрьвась, кие сёрмалесь - тов путсынзе сёрмадовкснень.

Путсыне. Койсем ,теньгак (http://erzianj.borda.ru) кадомка ды теимка од вальмасонть(лопасонть) невтема(ссылка) сондзэ лангс.

 Отправлено: 18.04.07 16:35. Заголовок: Re:

chuvashon_erzja пишет:

цитата:

Путсыне. Койсем ,теньгак (http://erzianj.borda.ru) кадомка

те карми панжадо (ансяк эйсензе мезеяк а сёрмадат) -карми максозь налткэсь(ссылка) ков ардсь минек мелькужонок.