On-line: гостей 0. Всего: 0 [подробнее..]
Эрязо Эрзянь Масторось! Пингеде пингес эрязо! Эрзянь мель, эрзянь кель, Эрзянь Мастор!Erzänj mel, erzänj kel, Erzänj Mastor! Ersän mieli, ersän kieli, ersän Maa! | Эрзя, муить ундоксот! Erzia, muit\' undoksot!

АвторСообщение
администратор




Пост N: 674
Зарегистрирован: 17.11.06
Рейтинг: 2
ссылка на сообщение  Отправлено: 22.01.08 22:20. Заголовок: Армянонь буелем/ Армянская фамилия


Армянонь буелем/ Армянская фамилия.

Ёвтнема. Дригань Толай. Самара ёнкс Олёжвеле



Чачома кельсэ ловномо тонадынь школасо тонавтнемстэ. Неень шкасто «Сятко» журналось теевсь монень оякс, лездыцякс, шкинемань виень максыцякс. Ловномстонзо марят эсь прят тиринь раськень ломанекс, оймеёжот паролгады ды те весе рашты виев бажамо эрямс седе тов.

… Монь велесэ арась «почтамт» ды уш а улияк. Се иестэнть «Сятко» лангс сермадстома арасель ды савсь ардомс буень прявтошов ярмаконь кучомо видьстэ редакцияв. Совинь почтань кудонтень, саинь кучомань коневне, сермадынь мезе эрявсь, венстия вальминеванть сэнь сельме од авантень. Сон ловнызе, мезе-бути тешкстась, велявтызе омбо ёндо ды пштистэ варштась лангозон:

- Ваша фамилия – Осипов?

- Да, а что-то не так?

Авинесь пупстызе суронзо коневонтень, сельмечиркень кепедезь ды валонь путнезь кевкстимим:

- Всё так, не беспокойтесь. Только вот что обозначает армянская фамилия в графе «для письменного сообщения»?

Неть валтнэде мейле, моньгак сельмукшом кузсть конязон, кургом автевсь:

- Где Вы нашли армянскую фамилию?

- Прочитайте… Вот, пожалуйста. Сю-ко-нян!

И больше ни одного слова нет. Как это понимать? Что, так и передать эту фамилию?

Раказевинь верьга вайгельсэ, ярмактне кедьстэн нолажсть эчке сумкань лавсянть ланга. Маласо аштиця ломантне пейдезь ды мик талакадозь вансть лангозон…

Ракамодонть сельведень нартнезь, корцяня вайгельсэ пандыя мазыйненть кевкстеманзо:

- На моём древнем эрзянском языке это слово означает благодарность и поклон. Уж постарайтесь так и передать. Секе басом пшкадинь весенень эрзякс:

- Кияк ули тесэ эрзя? Вейсэ вешнетяно армянонь фамилият минек кельстэ!

Те истя апак учо налксезевсь монь верьсэ эрзянь згилямонь ды пейдемань коесь. Минек раськень ломань вейкеяк маласо арасель, ансяк ракамо кармасть лия важодиця аватнеяк – авинесь нурькинестэ кенерсь пачтямо важодема таркасо ялгатненень монь ракамонь тувталонть смустензэ.

Кода весе энгамсть, мон седейшкава пшкадинь.

- Вы так и передайте словом «сюконян» мою благодарность, а я Вам в награду за понимание продиктую ещё несколько армянских фамилий.

Сеске ушодынь:

- Ракамодонть - «Авардян», сельведть – «Певердян», сэрей поровтонть трокс ютамсто вана нейке – «Пупордян»… Такие «фамилии» я могу перечислять три часа подряд! Однако, я Вас отвлекаю от работы – очередь образовалась… До свидания!

Ды неть валтнэнь марто ботнозь ды цихельдезь лисинь ушов.


Спасибо: 0 
ПрофильЦитата Ответить
Новых ответов нет [см. все]







Пост N: 63
Зарегистрирован: 03.08.07
Откуда: Россиянь Мастор, Ульянонь ош
Рейтинг: 0
ссылка на сообщение  Отправлено: 01.02.08 20:54. Заголовок: Д'Артаньян...


Д'Артаньян.

Спасибо: 0 
ПрофильЦитата Ответить
Ответ:
1 2 3 4 5 6 7 8 9
видео с youtube.com картинка из интернета картинка с компьютера ссылка файл с компьютера русская клавиатура транслитератор  цитата  кавычки оффтопик свернутый текст

показывать это сообщение только модераторам
не делать ссылки активными
Имя, пароль:      зарегистрироваться    
Тему читают:
- участник сейчас на форуме
- участник вне форума
Все даты в формате GMT  3 час. Хитов сегодня: 14
Права: смайлы да, картинки да, шрифты нет, голосования нет
аватары да, автозамена ссылок вкл, премодерация откл, правка нет