Отправлено: 08.10.07 22:48. Заголовок: Тон апак ёвтне ёвкс…/ Ты не рассказанная сказка...

Тон апак ёвтне ёвкс…

Тон – апак сергедть моро,
Тон – апак ёвтне ёвкс,
Тон – модынесь коморсом,
Тон – седеень киторкс…

Леметь – эжди седеем,
Морот – витить мелем…
Вечктян, Эрзянь Мастором!
Вечктян, эрзянь келем!

Вечктядызь ансяк эрзят,
Вансттадызь – ансяк сынь,
Тон превсэм, мельсэм эрят,
Секс эрзякс мон касынь…

Кода леметь а кекшить,
Кода а тапить тонь,
Мон теть Эрямо вешан,
Пшкалян кисэть Пазнэнь.

Тон – эрянь гайтев моро…
Тон – эрзянь мазый ёвкс…
Эряк, Эрзянь Мастором!
Ульть-ульть, седей киторкс!

Эрюш Вежай
2007 ие, ожоков, 8 чи.