Мелькужо Эрзянь Мастор - Форум Страна Эрзян, Форум Эрзя народа

Колмо тёжат. Боляень Сыресь

Ратор чирева, шукшторовт касыть,
Ведесь кепедевсь, ютамс а максы.
Ютамс а максы, калавтозь сэдесь,
Печказонь торось пштилгавтозь, мендязь.
Печказонь торось, ушмантнэнь нуи,
Эрьзянь Масторов сась Инегуесь.
Сась Инегуесь, кемнилее прянзо,
Сась Бату ханось –ялакст перьканзо.
Ине эрькева комболкстнэ киштить,
Эрзянь алятне ожат илиштить,
Ожат илиштить, тюреме тердить.
Пургазонь вайгель, каятотсь верде:
"Вай эрзянь оят, тюремс а сави,
Моданок вийсэ ней а ванстови,
Ванстови Раськесь, коензэ стявтсы -
Эрьзянь Масторонть мекев велявтсы".
Омбоце чистэнть тикшетнень мерьказь
Стясть колмо тёжат штатолонть перька,
Стясть колмо тёжат, Пургазонь чирязт.
Чатьмони эрькесь, каштмоли виресь.
Ашосо тёжась — те аваломанть,
Сонзэ тевезэ –раськень ванстомань.
Омбоце тёжась якстере тюссо
Авань идемас виензэ путсы.
Колмоце тёжась –кежень пандомань,
Сон а велявты кудов удомо!
Колмоце тёжась раужос артозь,
Туи тюреме ордатнень марто.
Ратор чирева каштмоли виресь,
Тынь косотадо, Пургазонь чирязт!

Cвалатянь ёвтнеманзо кувалт,
Киев ош