Отправлено: 06.12.10 00:00. Заголовок: Александр Данильчев. Шкинема/Творчество.

Александр Данильчев.
Раськень Озкс

Раськень Озкс – те покш чи,

Эрзят, тыненк шумбрачи!!!

Ламо вийть, ламо арсемат!!!

Вастовомат ды кортнемат!!!

Те чистэнть Атянь эземесь

Одов Инязор кочки,

Истя изни вейке лемесь,

Тевтнень ветямо карми.

Эрзят пуромить озномо,

Весе «Паз чангодть!» мерить,

Штатол лангс кармить ваномо

Конань эйсэ кирвазтить.

Монгак ванан штатолонть лангс

Ды весень марто ознан.

Чарькодян, вадрясто содан,

Верь эйсэнь чуди эрзянь.

Седейтне чавить бойкасто

Ды сельведтнеяк чудить,

Кедте кедьс кундазь те шкасто

«Эрзя мон!»,- весе рангить.

Весе эрзянь оршамосо,

Улияк ярсамопель,

Весе лексить эрзянь коштсо,

Гайги мазый эрзянь кель.

Ялгат, сы Озксонтень садо!

Пазонтень свал сюконядо!

Мааронть лангсо ознотано!

Седе виевекс теевтяно!!!

 Отправлено: 14.12.10 11:10. Заголовок: http://pics.qip.ru/1..

Од сермадыцятнеде - справочник "Од пинге"


Аволь умок Н.П.Огарев лемсэ университетсэ кочказель 2010 иень сехте вадря студентэсь. Те пелькстамосонть изницякс лиссь филологиянь факультетэнь «Филология. Языки и литература народов России» отделениянь 5 курсонь студентэсь Александр Данильчев. Од церась покш мель яви раськень кевкстематненень, мелявты мокшонь ды эрзянь кельтнень, раськень культуранть, койтнень-кирдатнень ванстоманть кисэ. Свал эрсекшни университетсэ ютавтовиця мероприятиятнесэ. Од ломанень семинартнэсэ, конференциятнесэ сеедьстэ невтни эсь важодевкстнэнь. Колмо иеде теде икеле А.Данильчев ушодсь арсеме «Од пинге» электронной художественно-библиографической справочникенть тееманзо лангсо. Проектэнь яволявтомась тусь мельс РФ-нь Финнэнь-угрань вейсэндявксонь представительтнень тонавтомань коряс проектэнь прявт группантень, кона 2009 иестэ ютавтсь Саранскойсэ финно-угрань проектированиянь коряс семинар. Саша примась эйсэнзэ участия ды те проектэнть марто тердезель Финляндияв семинаров. Мейле эсь важодевксэнть невтизе Од ломанень инновациянь проектэнь республикань I конкурссо ды кармась лауреатокс «Лучшая инновационная идея» номинациясонть

http://erziapr.ru/index.php/national-projects/education/52----q-q<\/u><\/a>