Мелькужо Эрзянь Мастор - Форум Страна Эрзян, Форум Эрзя народа

Эрязо Эрзянь Масторось! Пингеде пингес эрязо! Эрзянь мель, эрзянь кель, Эрзянь Мастор!Erzänj mel, erzänj kel, Erzänj Mastor! Ersän mieli, ersän kieli, ersän Maa! | Эрзя, муить ундоксот! Erzia, muit\' undoksot!

Форум » Сёрмадоматев/Литература » Нуянь Видяз. Шкинема./Творчество.
	перенос

Автор

Сообщение

Эрзянь нилькс

администратор

Пост N: 2715
Зарегистрирован: 17.11.06
Рейтинг: 6

Отправлено: 18.07.10 18:51. Заголовок: Нуянь Видяз. Шкинема./Творчество.

"Эрзядонть арсезь" книгастонть саевкст. Кинь ули шказо, ютавтынк рузонь кельс теске.

<\/u><\/a>

"2000 иень умарьковонь 3-4 читнестэ Мордовияв сакшнось Алексий патриархось.
....
Каршо чинь чокшне эрзянь келень идема Фондонть ломантне, нилешканек, арсинек-теинек ды прынек мельс: лисемс вастома таркантень плакат-тердема марто.
......
Ломань вельде, чарькодинек, кить ды косто, пачтясть: илядо лисне! Те кардамонть лангс ваномо эзинек карма, эзинек тандадо. Обмоце чинь валскестэнть анокстынек плакатт:
1. "Эрзяне ждут покаяния православия за его преступления!"
2. "Трагедия эрзянского народа - следствие экстремизма церкви!"
.....
-"Стядо, атят, плакатонк марто! Зярыя кадрат теян!"- кармавтсь кеняркс вайгельсэ Виряз ды потась колмо-ниле эскелькс туро.
-"Паро мелесь!"- шнызе меленть Пиргуж. -"Ансяк плакатонок панжомат!"
Эзинек кенере келемтеме конёв тапарксонок, невтемс сёрмадовкстнэнь фотосельментень, кода удало ёндо каявсть лангозонок, теке азпрць пинет, сисем-кавксо милициякс ды "простойкс" оршазь бурина цёрат.
Эзинь фатяяк, кода пильгень лутавсть асфальтонь кияксстонть ды сеске кепедевинь. Кавто крежа, погононь кандтниця од цёрат саимизь кавалалдо ды капшазь, кандымизь аволь васоло, панжадо кенкш УАЗ машинанть ваксс. Мельган ветизь ты текекс озавтызь Пиргуж атянь, эрзянь келень идема Фондонь прявтонть, мельганзо Коянонь Вирязонь, "Народный фронт Эрзян" вейсэндявксонь покшонть.

Мезе савсь печтямс атятненень седе тов, ловнодо Нуянь Видязонь од книгастонзо.

Ответов - 6 [только новые]

Эрзянь нилькс

администратор

Пост N: 3072
Зарегистрирован: 17.11.06
Рейтинг: 6

Отправлено: 24.09.10 21:45. Заголовок: http://zalil.ru/2972..

http://zalil.ru/29723835<\/u><\/a>

<\/u><\/a>

Эрзянь нилькс

администратор

Пост N: 2720
Зарегистрирован: 17.11.06
Рейтинг: 6

Отправлено: 19.07.10 21:35. Заголовок: Поладкст... "..

Поладкст...

"Юткозонок эцесь милиция. Пекстызе мельганзо вийсэ кенкшкенть, ды машинась "ношкстась" чинь валдонтень кецниця ульцятнева.
... Вастыця милициясь панжизе покш, кияксто саезь потолокс кшнинь ёлосто теезь кенкшенть. Совавтымизь эзганзо школань кондямо, ашосо ваднезь коридор пес. Цянк-глянк мерсь ды пекставсь мельганок панжомась. Жу-у-йть мерсь седеем. Кивчк ютась пачкан пси налтке. Весе. Варчик лиссть. Понгинь тозонь, козонь онстонгак эзинь понгоне. Теке сон, истямо таркась, арасельгак. Ансяк марсинь, ули кодамо-бути КПЗ, ды ловнокшнынь эйстэст книгасто.
Коридоронть песэ сэрей-келей, кшнинь эчке уськсэ пирязь, чельке потсо, начко нулань асодыця вальма. Сэрей потолок, "штапо" стенат, плитасо ацазь киякс. Кевень кескав... Озамо таркась вейке - кельме, прок эй, кевень кияксось. А озат.
.....

Вантано колмо полонявт, учотано, сы кияк кенкшенть малас, милициянь кодамояк "чин", ды ёвтасы мезень кис "кекшимизь" кевень кескавонтень.
.....
Стяконь учомат-кемемат! Пеняцямс а кинень. Варштыцяяк лангозонок арась. Теке арастянокак, черькстымизь эрямостонть.

erzia

Пост N: 26
Зарегистрирован: 21.02.10
Откуда: Российская Федерация, Новокузнецк
Рейтинг: 1

Отправлено: 05.08.10 19:23. Заголовок: Ош кужо лангс плакат..

Ош кужо лангс плакат марто лисемс разрешенияст арасельть?

Эрзянь нилькс

администратор

Пост N: 3077
Зарегистрирован: 17.11.06
Рейтинг: 6

Отправлено: 25.09.10 12:09. Заголовок: Истя тейнить "мо..

Истя тейнить "мордватне" эрзянь атятнень марто:

<\/u><\/a>

Ванмось саезь Нуянь Видязонь кинигастонть. Ловнодо, эрзят, превей киниганть.

Инзейне1

moderator

Пост N: 248
Зарегистрирован: 20.07.10
Откуда: Челябинск
Рейтинг: 2

Отправлено: 30.09.11 18:30. Заголовок: http://shot.photo.q..

"Ванине» од романдонть

Таштамковонь 13-це чистэ Боевой ды трудовой славань музейсэ ютавтозель книгань содавтома. Нуянь Видязонь (Е.В.Четверговонь) лиссь «Ванине» романозо. Тей пурнавкшность авторонть ялганзо, ловныцянзо, журналистт, од, те лангс апак вано, шкинемань киванть кемевикстэ эскелиця сермадыцят. Е.В.Четвергов евтнесь книганть лангсо важодемадонзо, эседензэ, седе келейстэ саезь романдонть. Те иень «Сятко» журналонь номертнэсэ сон лиснесь кода повесть ды аламодо киртязь. Мейле сёрмадеесь витнизе одс, сермадсь-путсь кавто од пелькст ды лиссь роман.

– Чуродо весть меельце шкастонть лиснить эрзянь кельсэ романт, – кортась эрзянь поэтэсь, «Чилисема» журналонть прявтозо, иланть ветицязо Н.И.Ишуткин, – книгань лисемась, алкукс, кенярксчи. Е.В.Четвергов эзь тандадо кундамс романонь жанрас. Ушодксокс ды юрокс тенень ульнесть аволь аламо ёвтьнеминензэ, ёвтнеманзо, статьянзо. Сон те стака тевенть топавтызе, путсь ламо вийть. Неень шкане эстеть, эсеть вийсэ нолдамс книга— стака. Сы иестэ, алтан, Литфондонть пельде нолдасынек лия произведениянзо. «Ванине» романонть жо, пароль ютавтомс рузонь кельс.

- Эряви меремс, Евгений Владимирович – поладынзе валонзо Никоалй Иванович - парсте сермады рузонь кельсэяк. Истя машты аволь эрьва писателесь. Сонзэ евтнеманзо арсеме кармавтыцят, сюпавт образонь коряс.

- Авторонть пек мазыйть, гайгицят—ёвтызе мелензэ романонть редакторозо, Т.В.Разгуляева - валрисьмензэ, сюжетэнзэ мельстуицят. Эрьва ендо бажи невтемс ломаненть обуцянзо.

Книгасонть ёвтневи 1945-це иестэ саезь неень шкас эрзянь веленть эрямодонзо ды эрицядонзо, мезес сынь пачкодить неть иетнень перть, паро ды берянь читнеде, конатне ютасть пачканзо. Весемеде покш зыян кандсть «палыця ведьс» ваямось, велетнень эрязкалезь яжамост ды Россиянь келес эрзянь келенть лепштямозо. Ламо эрзянь ломантненень неть стакачитне эзть изняво ды каизь пряст симемантень, ёмавтызь оймень ваньксчист, мелест седе ламо содамс, ловномс, теевемс Ломанекс. . (Истя, кода Ванине героесь ды лиятне…). Книгасонть максови валкске, косо панжовить а чарькодевикс, рузыиця валтнэнь смустест.

Те произведениянть Евгений Владимирович сермадсь вете иень перть. Сон ловови сонзэ вейксэце книгакс. Куш Писателень вейсэндявкссо авторось арась… Вастовомасонть Нуянь Видяз макснесь каршо валт кевкстематнень лангс, евтась сюкпрянь валт «Чилисема» ды «Сятко» журналтнэнень, кить лездасть нолдамс романонть, весе сетненень, кить сакшность те чокшнестэнть мартонзо кенярдомо.

Книгась микшневи Саранонь «Масторава» лавкасонть ды «Эрзянь мастор» газетанть редакциясо.

Т.Маторкина

http://www.erzia.saransk.ru/arhiv.php?n=3766&nom11=362

Эрзянь нилькс

администратор

Пост N: 4248
Зарегистрирован: 17.11.06
Рейтинг: 6

Отправлено: 01.10.11 01:08. Заголовок: Инзейне1 пишет: ..

Инзейне1 пишет:

цитата:

"Ванине» од романдонть

Сюконямот, Инзейне! Вадря кулясь!

Ответ:

1 2 3 4 5 6 7 8 9

показывать это сообщение только модераторам
не делать ссылки активными

Имя, пароль:

зарегистрироваться

Форум » Сёрмадоматев/Литература » Нуянь Видяз. Шкинема./Творчество.

Тему читают:

- участник сейчас на форуме

- участник вне форума

Все даты в формате GMT 3 час. Хитов сегодня: 19
Права: смайлы да, картинки да, шрифты нет, голосования нет
аватары да, автозамена ссылок вкл, премодерация откл, правка нет

Создай свой форум на сервисе Borda.ru
Форум находится на 63 месте в рейтинге
Текстовая версия