Отправлено: 31.07.12 09:32. Заголовок: ЭРЗЯНЬ ЛИСЬМАПРЯ 2012

«Эрзянь лисьмапрясь» пурнынзе Россиянь эрзятнень
Июлень 28-це чистэ Нижегородской областень Лукояновской районсо ютась «Эрзянь лисьмапря» регионъютконь омбоце фестивалесь. Сонзэ туртов истямо лемесь кочказь а стяко. Фестивалесь моли Кельме лисьмапрянть вакссо, кона ашти Новоселки веледенть а васоло. Те кенярксчинть ютавтоманть пингстэ бажави вельмевтемс ды седе тов кемекстамс эрзя раськень койтнень.
Кезэрень шкасто саезь эрзятне эрить Нижегородской моданть лангсо. Саемга, теке жо Лукояновской районсонть 11 эрзянь ды 2 мокшонь велеть. Меельце шкасто те районсонть аволь аламо тееви минек койтнень-кирдатнень ванстомга. Тенень лездыть райононь управлениясь. Райононь прявтось В.К.Аганин сонсь явсь мель те фестиваленть ютавтомсто, сакшнось ды аштесь сонзэ прядовомас.
Кода меляткак, фестивалень программась сюпаволь творческой коллективтнень эрьва кодамо невтемасо-морамосо. А ледстявить сеть номертне, конат сехте пек токизь ойменть. Весе, кить ульнесть тосо, кувать кармить ледстнеме «Инешкипазнэнь озноманть», «Покштятненень-бабатненень пшкадеманть», мааронть перька ютамонть ды, нама, колмо скульптуратнень панжомаст – Ведявань, Масторавань ды Вирявань. Сынь кармасть «В память о предках» скульптурной композициянть поладксокс (сон панжозель мелят). Весе неть скульптуратнень теинзэ од мастерэсь Николай Аношкин. Сынь искусствань алкуксонь произведеният, кандыть аволь ансяк художественной, истя жо исторической питнейчи, кода памятникть, конат стявтозь эрзя раськень покштятнень ледстнемга. Скульптуратне кармить этнопарконь экспозициянь прявт пельксэкс, сон панжозель теке жо чистэнть.
Нижегородской енксонть башка, инжеть тей сакшность Россиянь зярыя регионсто, косо эрить эрзят ды мокшот. Те: Татарстансто, Самара, Ульяновск, Пенза енкстнэстэ ды, нама, сехте ламо ульнесть Мордовиясто. Фестивалень концертэнть ушодызе Мордовиянь камерной хорось (прявтось П.Карташов). Лембестэ вастозель «Ламзурь» ансамблясь, сонзэ тесэ содасызь, коллективесь аволь весть сакшнось Лукяновской районов эрьва кодамо вастовомас.
Аволь васенцеде тесэльть «Тюштя» эрзянь-мокшонь кезэрень налксематнень вельмевтемань клубонь спортсментнэ П.В.Мигунов прявтост марто.
Эряви тешкстамс фестиваленть парсте ютавтоманть. Арасель вейкеяк сялдома, мекс киньгак а истя вастызь эли эзизь андо, эли кадызь мельтеме. Весе ютась парсте. Нама, тесэ сюкпрянь валт евтама «Ялгат» Нижнеень эрзянь-мокшонь культурань центрантень (прявтось М.И.Безаев), Лукояновской райононь администрациянтень (В.К.Аганин), Лукояновань эрзянь культурань музеентень (Н.И.Аношкин), те райононь культурань ды спортонь отделэнтень (Т.И.Федосеева). Мордовиясто сазь делегациянтень лездась Равчирень финнэнь-угрань раськень культурань центрась (Ю.А.Мишанин).
Фестивалень участниктне казевсть дипломсо, благодарностьсэ, паро казнесэ. Эзть кадово мельтеме кенярксчинть теицятнеяк. МР-нь Прявтонть пельде Благодарность максозь Лукояновской райононь администрациянь прявтонтень В.К.Аганиннэнь ды Лукоянов ошонь автотранспортной хозяйствань прявтонть полавтыцянтень И.А.Пониннэнь.
Кемтяно, «Эрзянь лисьмапря» фестивалесь карми седе товгак вейсэндямо эрзятнень, конат эрить Россиянь ламо енкстнэсэ, карми свалшкань ды седеяк келейгады.
Р.Щанкина
(эрзянь кельс ютавтызе Т.Маторкина)



Пенза енкссто сазь эрзятне

 Отправлено: 31.07.12 12:00. Заголовок: Matorchik))) пишет: ..

Matorchik))) пишет:

цитата:

«Эрзянь лисьмапрясь» пурнынзе Россиянь эрзятнень

Минек Инязорось вастовсь эсензэ раськензэ мартонзо те покш чистэсть,ансяк ванан вейкеяк вал минек Инязордость те сермадовксосость арась..........

Matorchik))) пишет:

цитата:

Весе ютась парсте. Нама, тесэ сюкпрянь валт евтама «Ялгат» Нижнеень эрзянь-мокшонь культурань центрантень (прявтось М.И.Безаев), Лукояновской райононь администрациянтень (В.К.Аганин), Лукояновань эрзянь культурань музеентень (Н.И.Аношкин), те райононь культурань ды спортонь отделэнтень (Т.И.Федосеева). Мордовиясто сазь делегациянтень лездась Равчирень финнэнь-угрань раськень культурань центрась (Ю.А.Мишанин).

Весень лецнизь,ансяк Инязорость эзизь,мейсь истя ???????

 Отправлено: 31.07.12 22:46. Заголовок: Инзейне, мон а содан..

Инзейне, мон а содан, тосо араселинь..(((
Сюкпря Раиса Борисовнанень, кона сермадсь ды максызе ютавтомс...
Вана видеот улить тосто:
click here ды тесэ: Эрзянь лисьмапря

 Отправлено: 30.11.12 10:12. Заголовок: Инзейне1 пишет: Иня..

Инзейне1 пишет:

цитата:

Инязордость те сермадовксосость арась..........

Инязорось ульнесь, пек вадрясто кортась, ломатнене, а ульнесть, по словам полиции, около 5 тысяч народа, весене валундо тусть превст.

Мне правда потом высказали, что не надо было бы ему говорить, что мероприятие "... не надо было бы начинатьс с Гимна России, ведь это не политическое мероприятие...". На что я ответил он Инязор и сказал то что считает нужным, не надо было Аношкину настаивать на гимне, а начать "Эрзянь лисьма пря" с нашего гимна с песни "Вирь чиресэ".

 Отправлено: 31.07.12 19:57. Заголовок: Matorchik))) пишет: ..

Matorchik))) пишет:

цитата:

«Эрзянь лисьмапрясь»

Сюкпря Таня кулянть кис

 Отправлено: 08.03.13 20:09. Заголовок: Михаил Седойкин

Михаил Седойкин

Чачсь Мордовия Республикань Дубенской райононь Кенде (Чиндяново) велесэ 1960-це иень ноябрянь 4-це чистэ.
1976-це иестэ мольсь тонавтнеме Саранскоень музыкальной училищав дирижерско-хоровой отделенияв. Морамо тевентень (вокалонтень) тонавтнесь РСФСР-нь Заслуженной артистэнть Дмитрий Иванович Еремеевень пельде, кона се шкане важодсь Саранскоень музыкальной театрань прявтокс.
Училищанть прядомадо мейле, 1980-це иестэ, Михаилэнь саизь армияв. Понгсь сон Дальней Востоков, Комсомольск-на-Амуре ошсо служась полковой оркестрасо, седясь валторнсо.
2004-це иестэ лиссь "Филантроп" раськеютконь премиянь лауреатокс. Морась Россиянь Малой театрасо, Женевасо, Лозаннасо, кавксть тердтнизь Китаев.
Неень шкане эри Комсомольске-на-Амуре ошсо. Сеедьстэ морси ошонь кенярксчитнесэ.
Интернетэнь коряс теевсь содавиксэкс Римма Жегалинань марто. Эрзянь аванть энялдоманзо коряс варчась морамс морот эрзянь кельсэ. Лиссь сонзэ те пек парсте!Эрзянь интернет-аудиториясь, теке вачомозь, каявсь тиринь кельсэ гайгиця моротнень кунсоломо. Михаилэнь моротне вастозельть лембестэ, теке мерят, пек кувать учость сынст... Михаил Седойкин морси кода эрзянь кезэрень народной морот, истя жо рузонь содавикс мороткак, конат ютавтозь эрзякс. Те тевсэнть, моронь ютавтомасонть, Михаилнэнь лезды Римма Жегалина. Ды те, нама, ансяк ушодкс. Арсетяно тенст уцяска ды творчествасо од тёкшт!



Седойкин Михаил Григорьевич. Родился 4 ноября 1960 года в селе Чиндяново (Кенде велесэ) Дубёнского района Республики Мордовия, В 1976 году поступил в Саранское музыкальное училище на дирижерско-хоровое отделение. Учился вокалу у заслуженного артиста РСФСР Еремеева Дмитрия Ивановича, в то время директора музыкального театра Саранска. После окончания училища в 1980 году был призван в армию, служил на Дальнем Востоке, в г.Комсомольск на Амуре. В полковом оркестре играл на валторне. В 2004 году стал лауреатом международной премии «Филантроп». Пел в Малом театре России, в Женеве, в Лозанне. Два раза приглашали в Китай. В настоящее время живет в г. Комсомольск-на-Амуре. Выступает на городских мероприятиях. Случайно познакомился (в интернете) с эрзянской поэтессой, учителем эрзянского языка Риммой Жегалиной и по ее просьбе стал исполнять песни на эрзянском языке.
Получилось великолепно и самое главное востребовано. Изголодавщаеся по всему «родному» эрзянская интернет-аудитория приняла его песни на «ура». Михаил исполняет как старинные народные эрзянские песни, так и переведенные с русского языка песенные хиты, которые с профессиональной точностью и поэтичностью пишет Римма Жегалина. И этот тандем только в начале пути. Пожелаем ему удачи…

Все песни Мхаила Седойкина на сайте "Эрзянь морот" (Нудей)
Все песни Мхаила Седойкина на сайте "Эрзянь морот" (Нудей)

 Отправлено: 08.03.13 22:16. Заголовок: Олеш пишет: Михаил ..

Олеш пишет:

цитата:

Михаил Седойкин

Вадря кулясь!