Отправлено: 06.03.07 08:00. Заголовок: Эйдень лемдема. / Наречение именем

Маризь Кемаль ёвли,кода икеле Од Чачозенте Лем максылть эрзятне:

цитата:

Лемдемапарентень каить лисьмапрянь ведь. Цёрынень лемдемстэ ведентень нолдыть тумо лопат ды толсо калязь торо, лемень максыесь прявелькссэнзэ кирди чапка. Седе кезэрень шкане кирдсть, паряк, ушмань пряспутома: чачсь ушман. Тейтернень лемдемстэ ведентень нолдыть килей лопат ды толсо калязь верьгимакев, лемень максыесь велькссэнзэ синди чев - совазо тензэ моданть-Мастораванть виезэ, улезэ паро кудазорава, раштыця, лембень кирдиця. Эйденть навасызь колмоксть. Тень пингстэ озавась озны: Цёрынеденть Я, Паз, чангодть! Инешкипаз, Вере Чипаз! Максыть тенек од эрзя-эриця, Кучить тенек лемень кандыця, Ванстыця-идиця, Сокиця-видиця, Тетянь-авань мелень ваныця, Сыречисэ триця-лездыця. Течи путтано тензэ лем .... (лемень максыця ёвтасы). Лемень кандомсто, пингень кива ютамсто Улезэ ....(лем) шумбра, виев, мазый, Валдо ойме ды валдо прев ломанекс. Паз, чангодть! Паз, чангодть! Паз, чангодть! Тетернеденть Я, Паз, чангодть! Инешкипаз, Вере Чипаз! Максыть тенек од эрзя-эриця, Кучить тенек шлиця-нардыця, Эйдень чачтыця-кастыця, Каштомонь уштыця, Пидиця-паниця, Тетянь-авань мелень ваныця, Сыречисэ триця-лездыця. Течи путтано тензэ лем .... (лемень максыця ёвтасы). Лемень кандомсто, пингень кива ютамсто Улезэ ....(лем) шумбра, виев, мазый, Валдо ойме ды валдо прев ломанекс. Паз, чангодть! Паз, чангодть! Паз, чангодть! Эйденть тапардасызь ванькс руцясо ды путсызь лемень максыенть кедензэ лангс. Сон сти эйденть марто Чинть каршо, озавась чанстясы эйденть Пазонь Штатолсо ды каясы кирьгазонзо Буень Чешксэнть. Теде икеле рисьминесь ды чешксэсь шлявить лемдемаведьсэнть ды якавтовить Пазонь Штатолонть велькска (сисемксть). Пазонь Штатолсо чанстямо озавась озны: Икельдеяк пирятан, Удалдояк пирятан, Вить ёндояк пирятан, Керш ёндояк пирятан, Прявелькскаяк пирятан, Пильгалгаяк пирятан - Илязо педя апарось, Илянзат тока амазысь, Вастонзат Инешкипазось Сельмень сявадыйде, Салыйде, колыйде, Апаронь теийде. Максозо теть Инешкипазось Шумбрачи, вий, валдо превть Течияк, вандыяк, свал. Эрзянь покшт, покштинеть, Покштянь покшавинеть, Тоначисэ эрийнеть, Видень-кичкерень содыйнеть! Ознодо .... (лем) кисэ, лездадо тензэ: Берянь ломантнень айгинк кинзэ лангсто, Паро ломантнень кучинк кинзэ лангс. Илязо уле ... (лем) кургсо-чамасо, Улезэ сельмсэ-чамасо. Паз, чангодть! Паз, чангодть! Паз, чангодть! Лемень максыекс кочкави пек паро малавикс ломань эли тетянть-аванть ялгазо. Бути эйденть трицянзо-кастыцянзо а улить, сынст полавтсынзе лемень максыесь. Озавась (лемдицясь) - лемдема коень ютавтыцясь. Лемень максыесь - лемень кочкицясь-путыцясь. Эйдень цюрамо-пирямо коесь. Кона кудосонть ансяк чачи эйде, вальмалангтнэнь почодсызь куловсо, валматнень цюрстасызь-пирясызь палыця штатолсо, эйденть перька путнить килеень тенстть ды мерить: "Пазонь чувто, ашо килей, ванстык од чачозенть ...(лем) душмандо-ведундо, селмень сявадыйде, ормадо-тарводо, эрьва мень апародо вень удомсто, чинь аштемстэ, кепедемстэнзэ, валгстомстонзо, потявтомстонзо, андомстонзо, симдемстэнзэ". Истя пирить-цюрыть од чачозенть кодгемень чить.

Истямо кевкстямось:

цитата:

Эйденть навасызь колмоксть

-те саезь христианской кемемастонть (истя христианинтнэ крестить эйдест..)
эли эрзятнень эсист кемемасо истя?

 Отправлено: 06.03.07 20:55. Заголовок: Re:

chuvashon_erzja пишет:

цитата:

эсист кемемасо истя?

Эсенек, эрзянь. Кезэрень.

 Отправлено: 08.10.07 17:01. Заголовок: -те саезь христианской кемемастонть (истя христианинтнэ крестить эйдест..)

Те эрзянь коесь Маризь Кемаль ансяк эрзянь койтнень вельмевти! Сон минек Ине Мараванок , ансяк эзизь чарькоде эрзятне, секс сон а марявкшны! Эрзят састо ваннодо теть тевтнень, кие а чарькодьсынзе кель човсекшнемс а эряви(((

 Отправлено: 07.10.09 01:05. Заголовок: Здравия вам ! А м..

Здравия вам !
А можно вот Это все по русски. Заранее БлагоДарю!

 Отправлено: 25.03.10 21:35. Заголовок: Те паро коесь, минсе..

Те паро коесь, минсенек маряви. Христиантнэнь тееви совсем лиякс. Чопавтемадо мейле керить черь клок , (а седе икеле овсе нарылизь пренть, кода уретнень,) ды киркас каить крёст (паро коть аволь клейма ) Ды ёвтыть Лем Церьковань паро урень (светоень) Ванозо сон мейле аволь Тетень-Авань мель а церьковань ды кандоволь седе ламо ярмак грехень кис.

 Отправлено: 25.03.10 21:41. Заголовок: Те паро коесь, минсе..

Те паро коесь, минсенек маряви. Христиантнэнь тееви совсем лиякс. Чопавтемадо мейле керить черь клок , (а седе икеле овсе нарылизь пренть, кода уретнень,) ды киркас каить крёст (паро коть аволь клейма ) Ды ёвтыть Лем Церьковань паро урень (светоень) Ванозо сон мейле аволь Тетень-Авань мель а церьковань ды кандоволь седе ламо ярмак грехень кис.