Мелькужо Эрзянь Мастор - Форум Страна Эрзян, Форум Эрзя народа

Эрязо Эрзянь Масторось! Пингеде пингес эрязо! Эрзянь мель, эрзянь кель, Эрзянь Мастор!Erzänj mel, erzänj kel, Erzänj Mastor! Ersän mieli, ersän kieli, ersän Maa! | Эрзя, муить ундоксот! Erzia, muit\' undoksot!

Форум » Сёрмадоматев/Литература » Дригань Толай. Самара ёнкс.
	перенос

Автор

Сообщение

Эрзянь нилькс

администратор

Пост N: 4717
Зарегистрирован: 17.11.06
Рейтинг: 6

Отправлено: 22.01.12 21:48. Заголовок: Дригань Толай. Самара ёнкс.

Эрзянь Мастор! Чачома мода…

Эрзянь Мастор! Тиринь мода,

Кельме тавадкс ало удат…

Удыцятнень стявтомс кода,

Нарьгицятнень мекс а сюдат?

Аволь ловонь кельме тавадкс

Эрзянь ёнкссонть копачизе.

Идемевсень кежев авакс

Вереньпотий кутмордызе,

Оймеёжонзо нельгизе…

Сонсь лови эсь прянзо павакс!

Те тавадксось а ёртови

Шожда ялткень пувамосо –

Пек виев давол эряви!

Тундонь ведьсэяк а шляви…

Ансяк се даволось косо?

… Увномазо уш маряви..

Дригань Толай, Самара ёнкс

Ответов - 5 [только новые]

мианажов

Не зарегистрирован Зарегистрирован: 01.01.70

Отправлено: 23.01.12 15:30. Заголовок: Дригань Толай пишет:..

Дригань Толай пишет:

цитата:

Эрзянь Мастор! Тиринь мода,

Сюконян Толайне, сон весть монь стихем полавтызе эрзянь кельсэ, мазыйстэ лись. Сюк пря теть Толай.

Эрзянь нилькс

администратор

Пост N: 4979
Зарегистрирован: 17.11.06
Рейтинг: 7

Отправлено: 03.03.12 15:54. Заголовок: Дригань Толай. Мой н..

Дригань Толай. Мой народ приговорили…

Мой народ «мордвой» назвали,

На шею – крест и… разогнали.

Крест везде, и над могилой,

Чтобы смерть казалась милой…

А ведь на том кресте распяли

Сына божьего. Сказали:

- Вот вам бог, а вы – бараны,

Молитесь, лижите его раны.

А креститель Иоанн

Для тупых уже Иван!

Богородица мамаша

Для российских – просто Маша…

Там маячит Авраам,

Он папашей будет вам,

Но над всеми – главный Бог!

Сам еврейский Саваоф…

Церковь русскою прозвали

И вас, «мордву», туда пригнали.

Ваши кладбища сожгли,

Никогда что б не могли

Нишкепазу дать обет.

Есть для этого Завет.

Он и Ветхий, он и Новый,

Если мозг у вас хреновый…

И младенцев всех крестить,

Символ смерти всем носить!

Хорошо, что не топор

Висит на шее с этих пор

И не виселицу врыли –

Петлю б шейную носили…

Вот так божья благодать…

Русский рявкнул: - В бога мать!

Пел мне поп «аллилуйя»,

И ничего не понял я…

Друг, пора тебе понять –

Раб ты божий, но не я!

Сын я своего народа,

Называемая – эрзя.

Синеглазая порода,

Из древнейшего мы рода

И давить на нас нельзя!

Инзейне1

moderator

Пост N: 358
Зарегистрирован: 20.07.10
Откуда: Челябинск
Рейтинг: 3

Отправлено: 03.03.12 21:37. Заголовок: Кой-кона ломантне ме..

Дригань Толай МидяньОло марто

Кой-кона ломантне мерить, келя, неень шкась-эрямось ордадозь айгорокс ардозь юты. Те шкась вейкетнень крандаз лангсо уски, таго омбоцетнень ланга тапазь юты. Мезе понги крандазонть алов весемесь тапави. Те айгоронть кой-конатне лемдить: глобализация, прогресс ды лиякс. Кирькс ведьменть таго яла кияк а кирди… Айгоронть мельга кадовить латкот-чалгавкст ды чарыки. Чарыкись явты раськетнень ды вейке раськень ломантненьгак. Кода а понгомс чалгавкс алов ды а кадовомс чарыкистэнть лия ёнов? Койсэм, веинзамс ды а ёмамс лезды тиринь келесь, эрзятненеяк истяжо. Кельтеме а эрсить раськеть, ёмить ломанензэ. Эрзянь келесь сюлми течинь эриця эрзятнень сэрдятнень марто, вансты сынст коест, культураст, мода лангсо важодема ёрокчист.
Келесь сонсь прясот а чачи, кургозот а сови, кельбрястот а лиси. Сонзэ эряви тонавтнемс
ды кортамс эйсэнзэ. Паро сетьненень, кить эйкашпингстэ тонадсть эрзянь кельсэ басямо ды арсеме, васень валонть "авай” ёвтамо…Лията эрзятненень эряви лездамс, эрзянь келенть марто содавтовомс, тонавтомс вечкеманзо. Ламодояк ламо алкуксонь эрзят теить эрзянь келень ванстома ды идема тевть. Вейкеденть ули мелем сёрмадомс...

Умок Дригань Толаень ульнесь мелезэ-арсемазо анокстамс ды ветямс радиовельде эрзянь кельсэ кортнемат. Эсь прясонзо лемдизе кортнеманть ”Минь вейсэ!” ды кармась сёрмадомо ожолгадось школань тетрадьc васенце валтнэнь. Арась, курок а муевить седейкуншкасо эриця арсематненень виде валтнэ. Лиссь удалць кудос, путсь плита лангс эждямо чай ды вальмава ванозь арсезевсь: "Кода ушодомс кортавксонть, васенце валтнэ улемст весенень содавикст ды малавикст. Сынст эйсэ улезэ нуркинестэ ёвтазь весе смустесь.” Чайниксэнть ведесь лаказевсь, ансяк эрявиця валтнэ кодаяк а муевить. Каштом лангсто валтызе пекшее лопань сюлмавксонть ды лакиця ведентень нолдась вете лопат. Симемапелесь лиссь таньтей чине марто ды курок эждизэ потмонзо. Сескэ мельс састь валтэ:” Шумбачи весеменень, кие лови эсь прянзо эрзякс! ” "Улезэ истя.”- эськанзо мерсь эрзянь алясь.
Теде мейле сёрмадома тевтне икелць кудосо тусть, паро койсэ тетрадень лопась пешкедсь
сёрмадозь арсемадо-мельде, бажомадо.
Ней эряви теемс те тевенть омбоце пельксэнть, эряви энялдомс радиокуронь кирдицятнень икеле- кортавксонть ютавтомс максоволть шка. Сонензэ мерсть: ”Макстано теть эрьва ковсто 15 минутат, микрофононтень видьстэ кортак эли кандт миненек магнитофононь кирькс лангс сёрмадовкс. ” Сюкпря ёвтамодо мейле Толай эськанзо арсесь:”Те аволь берянь,улезэ истя, тевень ушодомс шкась саты. Материалось анокстазь ламо ды эряви сонзэ нурькалгавтомс.” Кудов ардсь автобуссо, килангоньберть эсть нолда сонзэ арсематне: магнитофонозо арась ды диктофон ланс ярмак арасть. "Масторава” вейсэндявксонь прявтось чатьмони, мейсэяк эзь лезда… Сави видьстэ микрофонс кортамс? Мезде васенцеде пачтямс буень келес эриця эрзятненень?

2002 иестэ таштамковось ульнесь лембе, кельмевтеме кармась ожоковонь куншкасто. Мейле тусть пиземеть. Васенце радиопередачанть ютавтомо мерсть само сундерьковсто. Те учомань шкась алянтень кувака марявсь, читне ульнесть пиземевть
пиресэ тевть арасть, велесь малав чаво теевсь-ломанть а неявить. Ансяк шкась таркасонзо а ашти, чинть мельга сы весь, Модась чары Чинть перька… Сась сундерьковось, пиземетне лоткасть, прась лов. Паро маней чистэ Толай чоподава стясь –ванды молемка ютавтомо васенце радиопередачанть! Мелезэ валдо, рунгозо кеме. Уштсь шлямо кудо, нурькинестэ нарынзэ сакалтнэнь, анокстынзе сех паро оршамопельтнень . Ломанеть уцяскав чизэ сась! Ено кода, те виде - умок учозь чись сась!
Автобусонть учома таркантень савсь тензэ колмо вайгельбеть ютамс, мандо лангс нежедезь-инвалид, мокей пильге…
Ульнесь мелявксозо: илязо яжаво автобусось ды таго течи Инешкипазось сонензэ лездась, пачкодсь эрявиця таркас шкасто-паросто. Радиокуросонть сонзэ мизолкссо вастызе тесэ важодиця тейтересь Юля, озавтызе стувор экшс, конань лангсо ульнесь путозь микрофон. Рузонь кельсэ мерсь тензэ: ”Анатолий Григорьевич, говорите в этот микрофон. Я переключу трансляционный усилитель с приемника на микрофон и во всем Похвистневском районе Вас услышат те, у кого есть абонетское проводное радио. Эрзяне будут в восторге! Вам предоставляется микрофон на 15 минут, постарайтесь уложиться в это время. Вы готовы? "Я готов”, - мерсь алясь. Тейтересь нолдызе вайгелень виевгавтыця паргонть. Толай нурькинестэ лекстясь ды виев вайгельсэ мерсь: ” Шумбрачи весеменень, кие лови эсь прянзо эрзякс!"...зякс! ”…

Эрзянь нилькс

администратор

Пост N: 4984
Зарегистрирован: 17.11.06
Рейтинг: 7

Отправлено: 03.03.12 22:08. Заголовок: Инзейне1 пишет: веи..

Инзейне1 пишет:

цитата:

веинзамс ды а ёмамс лезды тиринь келесь, эрзятненеяк истяжо. Кельтеме а эрсить раськеть, ёмить ломанензэ. Эрзянь келесь сюлми течинь эриця эрзятнень сэрдятнень марто, вансты сынст коест, культураст, мода лангсо важодема ёрокчист.
Келесь сонсь прясот а чачи, кургозот а сови, кельбрястот а лиси. Сонзэ эряви тонавтнемс
ды кортамс эйсэнзэ. Паро сетьненень, кить эйкашпингстэ тонадсть эрзянь кельсэ басямо ды арсеме, васень валонть "авай” ёвтамо…Лията эрзятненень эряви лездамс, эрзянь келенть марто содавтовомс, тонавтомс вечкеманзо.

Пек превейть валтнэ. Кинь сынь, Инзейне? Мекс сёрмадыцянть лемензэ эзик невте? Аволь Нуянь Видяз бодясь?

Инзейне1

moderator

Пост N: 359
Зарегистрирован: 20.07.10
Откуда: Челябинск
Рейтинг: 3

Отправлено: 03.03.12 22:10. Заголовок: Эрзянь нилькс пишет:..

Эрзянь нилькс пишет:

цитата:

Пек превейть валтнэ. Кинь сынь, Инзейне? Мекс сёрмадыцянть лемензэ эзик невте? Аволь Нуянь Видяз бодясь?

Монсь кевстиксэлетень тень коряс,асодан ки азорось.....

Ответ:

1 2 3 4 5 6 7 8 9

показывать это сообщение только модераторам
не делать ссылки активными

Имя, пароль:

зарегистрироваться

Форум » Сёрмадоматев/Литература » Дригань Толай. Самара ёнкс.

Тему читают:

- участник сейчас на форуме

- участник вне форума

Все даты в формате GMT 3 час. Хитов сегодня: 30
Права: смайлы да, картинки да, шрифты нет, голосования нет
аватары да, автозамена ссылок вкл, премодерация откл, правка нет

Создай свой форум на сервисе Borda.ru
Форум находится на 63 месте в рейтинге
Текстовая версия