Отправлено: 06.12.10 19:00. Заголовок: Учеватонь Сантяй. Шкинемань вачтнемат / Александр Учеваткин. Пробы пера.

 Отправлено: 06.12.10 19:06. Заголовок: Од Иень учозь... Ой..

Од Иень учозь...
Учеватонь Сантяй

Оймень талнозь ломанть учить,
Пазось Од Ие максы.
Шумбра ёжо тенек кучи,
Эрзятнень виест касы!

Монгак курго яла автнян,
Паро эрямо вешан.
Ванта, мерят, теке марян
Вайгельне тошки "Кучан!"

Верепаз, пшкадян, марямак!
Вешеман покштояк покшт...
Малавиксэм шумбрат улест,
Вельмезэ раськенек одс!

3.12.2010

 Отправлено: 07.12.10 00:35. Заголовок: Пек илядо севно. Сда..

Пек илядо севно. Сдан, сермада аволь пек парсте.

 Отправлено: 08.12.10 00:10. Заголовок: Сантяй пишет: Пек и..

Сантяй пишет:

цитата:

Пек илядо севно.

Валморынесь мелезэм тусь. Эйсэнзэ - валдо мелев эрзянь ойме. Ванькс, теке лисьмапрянь ведне!
Сантяй, кучикая "ЭМ"-с, "Чилисемас", улема, "Сяткоскак"...

 Отправлено: 08.12.10 01:12. Заголовок: Монгак арсинь ЭМ ку..

Монгак арсинь ЭМ кучомадо. Сяткос кучинь материал, ие ютась, кодаяк а лиси печатьс.

 Отправлено: 08.12.10 10:37. Заголовок: Сантяй пишет: Сятко..

Сантяй пишет:

цитата:

Сяткос кучинь материал, ие ютась, кодаяк а лиси печатьс.

Мезе тов кучныть? А невтьсак тесэ?

 Отправлено: 08.12.10 15:23. Заголовок: Невтьса. Те сермадов..

Невтьса. Те сермадовксось лисекшнэсь "Эрзианасо"

 Отправлено: 13.01.11 20:09. Заголовок: ..

«Кезэрень вирь»

Кияк а соды зяро те кезэрень пиче вирентень иеть…Сон кайсь ды кайсь ламо пингень перть. Те ульнесь вейке покш, виев, сэрей, тусто вирь. Ансяк састь шкат, зярдо зыянов ломантне кармасть керямо, саламо, яжамо эйсэнзэ. Тень лангс апак вано виресь виензась ды виензась.
Весе марто эрясь пиче виресь ялгаксчисэ. Вармась, виренть ялгась, лездыль: ёртниль яла сонзо видстензэ модамасторонть келесь. Ведесь валнылинзе видстнень, максыль симемапель пичетненень ды вишка пичинетненень … Чипаесь (оштё вейке пиче виренть ялгазо ды, нама, сехте малавикс) эждиль неть видметнесэ. Пичетне свал ёртнилизь тарадост верев, Чипаентень. Тень кис сон максыль певтеме эрямо вийть. Од пичетне свал вейсэндякшность сыре тумотне марто. Чипаесь невтиль скось валдо ки. Сонзэ вельде пурнавильть весе вейс ды виресь зярдояк эзь явновт. Вадрят пичетне: сэрейть, мазыйть, кеметь…
Састь зыянов шкат… Пиче виресь ушодсь ламо вийсэ тюреме апаро ломантнень марто: пекстниль эйсэст вирь потс, косто киненьгак а муевельть яла. Тюреманть марто виресь тунь стувтызе Чипай ялганзо, эзь энялдо сонензэ мелявтома марто. Вармась ды Ведесь тескельть, маласо, Чипаесь верель - шка эзь муеве мекс-бути сонензэ, яла моданть тевть тейнесь. Арсесь неть тевтнеде мельга Чипаентень энялдомс. Тевть… Тевть… Стувтовсь…
Вармась истяжо ёртниль видстнень модамасторонть ланга, васолга ёртниль, Ведесь симдиль. Касыльть пичетне. Вана ансяк Чипаенть валдовтомо Вармань васолга ёртовкс пичетне эзть мукшно ки одов покш вирентень. Истя човорявильть лия чувтнэнь марто, касыльть човор вирть.
Пек ламо иеть човорявсть пичетне лия чувтонь виртнесэ. Карамасть стувтомо кить сынь те моданть лангсо. Лия виренть чувтнэ путсь та-кодамо лем пичетненень ды эсест лемеськак стувтовсь. Пичетень вельде ламо вирть тустолгадсть…
Берянь те тевесь. Берянь пичетненень. Ламот совасть лия вирьс. Ансяк пичень тюсось ды пичень оймесь маряви…
Эзь ортневе весе виресь, пек корёнонзо кеместэ модантень совазь.
Вирентень ломантне нейгак якить, седее ламо берянь мель марто, вадря мартояк аволь аламо. Раужо ломантне веси виртнень икеле шныть пиче вирьсэнть, келя, кодамо мазый. Наряжить эйсэнзэ мень-бути лия масторонь мазынькайсэ, морсить морот. Ансяк салава, удалга керить эйсэнзэ, шешкить сонзэ мазычинть. Истя вирентень аволь кувать эрямс. Превей валдо пичетне чарькодизь тень, кармасть Чипаентень одов энялдомо. Чипаесь пок кеж кирди… Аламо пичт ёнонзо тарадт кепсить, стувтызь Чипаень максовкс эсест Пиче лемест. Ялатеке,вансы, пичетне бажить сонзэ мекев велявтомс, одов вачамс сонзэ чанстенть. Истя аламонь-аламонь карми касомо виресь, виевгадомо.
Ансяк авлизь керя кежей ойме ломатне неть валдо чувтнэнь, ансяк авлизь керя…

Сантяй, 2009 ие, ацамковонь 12 чи

 Отправлено: 14.01.11 17:48. Заголовок: Сантяй пишет: «Кезэ..

Сантяй пишет:

цитата:

«Кезэрень вирь»

Сантяй!
Койсэм, аламодо витнемка ды кучомка "ЭМ"-с, "Сяткос" ды "Чилисемас"!

 Отправлено: 14.01.11 19:29. Заголовок: Сяткос кучозель, ие ..

Сяткос кучозель, ие ютась. А куш а каш.

 Отправлено: 14.01.11 19:32. Заголовок: Лиясто мельть сакшны..

Лиясто мельть сакшныть а сермалемс. Лиси лавшосто...

 Отправлено: 14.01.11 22:33. Заголовок: Сантяй пишет: Лияст..

Сантяй пишет:

цитата:

Лиясто мельть сакшныть а сермалемс. Лиси лавшосто...

Сёрмадт апак пеле. Ансяк шкась невтьсы, мезесь лиси вадрясто, мезесь лавшосто. Кись изняви сенень, кие моли икелев. Эли кода эрзятне мерекшныть: "Пандось алкиньгады сень икеле, кие веревпандт моли."

 Отправлено: 18.01.11 23:51. Заголовок: "Пандось алкиньгады сень икеле, кие веревпандт моли."

 Отправлено: 02.03.12 07:09. Заголовок: Сантяй пишет: Ансяк..

Сантяй пишет:

цитата:

Ансяк авлизь керя кежей ойме ломатне неть валдо чувтнэнь, ансяк авлизь керя…

Сельведть чудить. Кода вадрясто артызе, панжизе эрямочинть.

 Отправлено: 02.03.12 08:39. Заголовок: Сантяй простимак. Се..

Сантяй простимак. Сермадынь стих, тонть евтамканьть лангс. Прости не смог утерпеть, душа заставила написать. Конечно такой глубины как в твоем рассказе нет, но написал, то что написал за час. Слова конечно же все твои.

Пиче вирь

Пичень вирне, пичень вирьне
Азды кияк коли чачсь
Азды кияк сондэ пиньгенть –
Кода тусто сэрей кайсь.

Кода сондэ зыянь ломанть
Керясть, микшнесть ды яжасть
Виресь сыниск лангс а ванось
Прязо таргась виензась.

Сон весе март эрясь ялгакс.
Лездасть ялгатне тендэ.
Вармась ертась модаланга
Чувтонь витнень пельдендэ.

А ведесь валнось, Чипаесь
Ещась витнень ды моданть
Ды одгеть пичетне кайснесть,
Яжась таркатнень туставсть.

Чарасть варма март тарадсо
Сыниск Чипайсь кепеднесть.
Сон тениск валдо чи макснось
Кайсть сынь мартундо сэрейть.

Састь зыяновт апарт шкатне.
Виресь кармась тюреме,
Сон лия виресэ пакштнень
Зыянозде претинде.

Ды сынь кармасть тосо емавкст
Стувтызь варманть, Чипаенть.
Те виретне зярдо ломанькс
Кастасть эсиск пакшкинеть.

Ды кадовсть кемень лишь пичеть.
Вирь тече аволь, а вирь?
А конатне лия вирсэ,
Пиньге кезэрень аздыть.

Кемень пичеть Варманть тергиньк,
Кадык видиньк сон ерты.
Тараднэнь верей кепединьк,
Чипай лембе чи максы.

Ды туить тыниньк пакшкетне.
Масторавнть мазы чи,
Церат одтгинеть тейтернеть
Кармить содамо кить сынь.

Ды весе пичетне марить:
Эри кезэрень виресь…
Сынь кужине тейме кармить
Ломань вирсэ эсинеск.