Мелькужо Эрзянь Мастор - Форум Страна Эрзян, Форум Эрзя народа

Эрязо Эрзянь Масторось! Пингеде пингес эрязо! Эрзянь мель, эрзянь кель, Эрзянь Мастор!Erzänj mel, erzänj kel, Erzänj Mastor! Ersän mieli, ersän kieli, ersän Maa! | Эрзя, муить ундоксот! Erzia, muit\' undoksot!

Форум » Сёрмадоматев/Литература » Эрюш Вежай. Ёвтнемат, валморот.
	перенос

Автор

Сообщение

Эрзянь нилькс

администратор

Пост N: 1431
Зарегистрирован: 17.11.06
Рейтинг: 4

Отправлено: 05.05.09 17:27. Заголовок: Эрюш Вежай. Ёвтнемат, валморот.

<\/u><\/a>

Эрзятнеде вал

Минь – теке нармунть пизэвтеме
Ливтнетяно ды майсетяно…
Лия масторга оймень пиемс
Паронь вешнемстэ ёмсетяно.
Эрзянь Масторонок, сон яла,
Прок теле малав кадозь пизэ
Тарьди-пишти кандылов ало,
Пели кемемс – таго сы кизэ.
Кить теньсэ чумот? Сеть эрзятне?
Кинь прятне туремасо прасть?
Кинь ашо кезэрь ловажатнень
Пиземеть эрьва кизна шлясть?
Арась, эрзят. Сынь – тевест теизь,
Ды кемсть эсь цёраст-нежест лангс..
А минь?…Эрятано знярс – пелезь,
Яттнэсэ сезнезь нула панкст!
Ки ёвты тень – зяро цидярдомс?
Кезэрь леменек стувтомас?!
Эли минек шумбра аватне
Шачтнеме цёрынеть лоткасть?!
Арседе, эрзят, пек домкасто…
Кода вельмевтемс оляксчинть?
Кода каштанчинек велявтомс?
Ды изнямс налкставт уречинть!

Эрюш Вежай________________________________________

Erzätnede val

Min – teke narmunjt pizqevteme
Livtnetäno dy maisetäno...
Lija mastorga oimen pijems
Paronj veshnemstqe maisetäno.
Erzän Mastoronok, son jala,
Prok tele malav kadozj pizqe
Tarjdi-pishti kandylov alo,
Peli kemems - tago sy kizqe.
Kit tensqe chumot? Set erzätne?
Kin prätne turemaso prasjt?
Kin asho kezqer lovazhatnen
Pizemet erjva kizna shläsjt?
Arasj, erzät. Syn – tevest tejiz,
Dy kemsjt es cörast-nezhest langs..
A min?...Erätano znärs – pelez,
Jattnqesqe seznez nula pankst!
Ki jovty ten - zäro cidärdoms?
Kezqer lemenek stuvtomas?!
Eli minek shumbra avatne
Shachtneme cörynet lotkasjt?!
Arsede, erzät, pek domkasto...
Koda velmevtems oläkschint?
Koda kashtanchinek velävtoms?
Dy iznäms nalkstavt urechint!

Ответов - 210 , стр: 1 2 3 4 5 6 All [только новые]

Эрзянь нилькс

администратор

Пост N: 3181
Зарегистрирован: 17.11.06
Рейтинг: 6

Отправлено: 29.10.10 14:59. Заголовок: СУРОНЬ ЛОВОМКА. (Ви..

<\/u><\/a>

СУРОНЬ ЛОВОМКА.
(Вишка эйкакшкень туртов).

Сурнэ, сурнэ, косо ульнить?
Тень марто - мон калт ульминь,
Тень марто - вирев якинь,
Тень марто - мон ям пидинь,
Тень марто - моро морынь,
Тень марто - эрзякс кортынь!

Эрюш Вежай

Инзейне1

moderator

Пост N: 48
Зарегистрирован: 20.07.10
Откуда: Челябинск
Рейтинг: 1

Отправлено: 29.10.10 15:33. Заголовок: Эрзянь нилькс пишет:..

Эрзянь нилькс пишет:
[quote]СУРОНЬ ЛОВОМКА.
(Вишка эйкакшкень туртов).[/quote

Сюкпря ,Эрюш,пек сельмем сиядсь,вана те ловномкасть,ловномс монь эйкакш кудосость,ансяк арасть монь эйкакш кудосоть эрзянь эйкакшт........]

Эрзянь нилькс

администратор

Пост N: 3182
Зарегистрирован: 17.11.06
Рейтинг: 6

Отправлено: 29.10.10 15:40. Заголовок: Инзейне1 пишет: Сюк..

Инзейне1 пишет:

цитата:

Сюкпря ,Эрюш,пек сельмем сиядсь,

Улема, од аватненень, кинь улить потякаст, маштови тевс.

Инзейне1

moderator

Пост N: 49
Зарегистрирован: 20.07.10
Откуда: Челябинск
Рейтинг: 1

Отправлено: 29.10.10 15:45. Заголовок: Эрзянь нилькс пишет:..

Эрзянь нилькс пишет:

цитата:

Улема, од аватненень, кинь улить потякаст, маштови тевс.

Маштови ансяк неень кона тонавты потякаст эрзянь келентень .Паряк истят од аватнеде пек ламо,пек улевель паро.

Эрзянь нилькс

администратор

Пост N: 1432
Зарегистрирован: 17.11.06
Рейтинг: 4

Отправлено: 05.05.09 17:31. Заголовок: Chavo melsqe..

Chavo melsqe kov Чаво мельсэ ков

Kovosj vany asho selmsqe
Ковось ваны ашо сельмсэ
Ejev valjmanjt pachk,
Эев вальманть пачк,
Teke kevkstni chavo melsqe:
Теке кевкстни чаво мельсэ:
Kin selmenzqe nachkt?
Кинь сельмензэ начкт?
Kin techi tarjdi oimezqe,
Кинь течи тарди оймезэ,
Kije vacho madjs?
Кие вачо мадсь?
Kin kudov ez sa mirdezqe,
Кинь кудов эзь са мирдезэ,
Koso eide chachjs?
Косо эйде шачсь?
Kije ven pert maisez maisi,
Кие вень перть майсезь майси,
Kuvsi sqeredez?
Кувси сэредезь?
Kije ava psistqe palsi
Кие ава псистэ палси
Teke iredez?
Теке иредезь?

Kovosj vany asho selmsqe,
Ковось ваны ашо сельмсэ,
Uji suvonjt pachk…
Уи сувонть пачк…
Son sodasy, chavo melsqesj:
Сон содасы, чаво мельсэсь:
Meks erämosj chachk…
Мекс эрямось чачк…
Sjkamozo nurjgi menelsqenjt,
Ськамозо нурьги менельсэнть,
Sjkamozo sody,
Ськамозо соды
Kije udy pek tanjteistqe,
Кие уды пек тантейстэ,
Kije - a udy…
Кие а уды…

--------- ------------

Erüshonj Vezhai
Polärnoi osh 2001 ije, davolkov, 9 chi.

Эрзянь нилькс

администратор

Пост N: 1433
Зарегистрирован: 17.11.06
Рейтинг: 4

Отправлено: 05.05.09 17:41. Заголовок: СЯРДОВЕЛЕ -' Чо..

СЯРДОВЕЛЕ

-' Чош-шш-шк !' - мерьсь ловось латяня кузонь тарадтнэнь лангсто нолаштомсто ды сиянь почтонь сувокс кармась озамо кельмевкс ловкувонть лангс. Сеск кузонть алдо, теке чопача, сулейксэкс вельмесь ды кирнявтсь ков валдосо валозь вирьчирень штапоконянть лангс покшке сярдолевкс. Стакасто лексезь таймаскадсь: Витьстэ икелензэ покштояк покш алтюжакс алкинестэ нурьгсь пешксе ковось. Сонзэ аэрикс, ловтаня валдосонть сиясо ды сырнесэ пикстерьдьсь ловшушмов пандочамась, мельганзо - чаво паксясь. Паксянть томбале, пельвайгельбешка туро, раужолдсть веленьчирень кудотне:
-'Уу-у-уо-оо-ов!' - каятотсь те шкане виренть потсто авасолсто седейс кундыця, пелемас каявтыця, урнома. Сярдынесь мик ландявсь тень пингстэ кувака удалсь пильгензэ лангс, таймаскадсь, ды, прянзо виренть ёнов велявтозь, сорныця судоварянзо келейстэ тетьксезь, виевстэ никсесь якшамо коштонть. Пилекаворензэ сравтынзе варакань лопакс, стявтынзе, ды ней кунсолы эрьва кашторксонть, мик лексеманзояк лоткавтызе. Сон содась, мезе канды тензэ те малавгадыця урномась. Исяк веть сынь стардызь сярдолевксэнть аванзо марто. Вазов сярдоскалось серей ловганть эзь оргодеве, пек сизесь. Сярдынесь неизе, кода аванзо кирьгас, урозей пеензэ низелгавтозь, каявсь сехте покш верьгизэсь ды ашо ловось перьканзо кармась вериямо:
Сэтьме, тарьксэв варминесь веленть ёндо кандсь навозонь ды качамнень чинеть. Тоёндо марявсь кискань онгома. Сярдынесь видемтинзе сиземадонть ды пелемадонть сурневтиця пильгензэ. Ней аштесь, теке арсесь: ков прянзо каямс? Удалонзо - кулома, икелензэ:
-' Во-у-уо-оов!' - эшкевсь сярдынеть пилезэнзэ тунь маласто. Ды те урномась теке локшосо керизе вирьпачанть пеке алга. Меельць виензэ пурназь, ловшушмотнень кавтов явтазь, сярдынесь кополсо ёматотсь кудотнень ёно:
Мерят, сеск вирьстэнть нолаштсть вете каштмолиця сулейть. Икеле покшось, мельганзо седе алкинесь ды колмо седе вишкинеть. Прявтось, судонзо нолдазь, лоткась се таркантень, козо вана ансяк-ансяк лотксекшнэль сярдолевксэсь. Озась. Теке мереманзо коряс ваксозонзо лоткась ды таго пулонзо венемтезь озась верьгизавакась, мельганзо - покшкеть левксэст. Толсо палыця сельмсэнзэ верьгизатякась варштась веленть ёнов, косо, мерят, онгозевсть весе велень кискатне. Сон чарькодсь: течинь ярсамопелесь пеензэ алов а понги. Кенерсь менеме.
Зярыя шка вергизтнэ аштесть каштмолезь, теке арсесть, мекс лиссь истямо ильведькс вирьпачанть мельга пансемасонть. Секень вант ва стардыксэлизь:Эзь лисе.
Прявт верьгизэсь комавтызе масторёжов келейконя прянзо, мейле кепедизе нерензэ менелев,ковонть ёнов, ды нолдась истямо кувака ды тандавтниця урнома: - 'Во-у-уо-о-уо-уоов!', - конань каршо кискатне алкукс вейкень пес таго шалакадсть ды онгозевсть. Вейкесь тандадомадонть мик чова вайгельсэ цийнезевсь ды кармась кувать кавномо, теке те самай сонзэ верьгизтнэ састь повамонзо.
Шкань ютазь теляшавтозь кискатне оймасть. Веленьчиресэ аштиця алка, чиремезь ды ловшушмос ваявтозь кудынесэнть валдомгадсь вейке эль неявиця, эев вальмине. Вергизтнэ вете сулеень чопода рисьмесэ кода лиссть, истяяк каштмолезь ёматотсть лов потсо ваязь вирьсэнть. Теке арасельтькак.
***
Аштай атя учось Якстерькай скалонзо вазыямонзо, зярыяксть стякшнось варштамонзо, секскак эзь матедевкшнэяк, зярдо маризе Ирнай кисканзо онгоманзо. Тона васня онгсь истя, кода онголесь, зярдо мезеяк эли киньгак марякшнось костояк васолдо. Ды шкань ютазь сон истя азаргадсь, теке, мерят, орькс овто эци утомозот медь мельга. Сыре ломантне ёвнесть, келя, эрсекшнесть истят тевтькак седикеле.
-'Прах саевлизе идемевсень кисканть!' - машнетезевсь эсь пачканзо атясь,- 'Виде-паро превстэнзэ лиссь сыре онгакаесь'. - Кискась те шкане кармась аволь онгомо, мик кижнэзь кижнэме вайгелень ёмамос.
-'Таго сави стямс!'- сась мельс Аштай атя ды кепедевсь таркастонзо. Тонгинзе пильгензэ лембе кендень кемезэнзэ, путызе прязонзо кавтопиле чапканзо, копачизе шубанзо. Пувась тол. 'Чожолк, чожолк, чожолк:',- чожолдозь казямо лазонь киякскаванть пандозь кемсэнзэ, лиссь кудыкельксэс. Кискась яла азаргалесь.
-'А стяко те!' - арсезевсь атясь ды кодамояк апаротевень каршо ноцковтызе потмарсто кшнинь сянгонть.
Кискась онгсь нудейстэ теезь латалксонть эйсэ, сонзэ се чопода ужосонть, конас ков валдось эзь понгоне. Секскак Аштай атянень сеск эзь неявовояк, кинь лангс оймень лисемс истя кежейстэ онги, ирны ды кижны Ирнаесь. Васня неявсь тензэ ваз, мейле вашине ды, ансяк толонть кандомсто,окойники чарькодсь: икелензэ сярдолевкс! Ирнаесь эйстэнзэ эль-эль саевсь, яла терявтсь сускомонзо сярдыненть кувака серькадо. Савсь сюлмамс сонзэ кардайсэ. Ды тосояк тона кодаяк эзь оймакшно, яла терявтсь менеме ды одс эцеме апак учонь инженть ёнов.
-'Оймак, злыдарь пине! Несак, кинь кучизе тень вазонь таркас Верепазось:' - моткодсь эстензэ судонзо алов латалкс ортанть кеместэ сёлгомсто Аштай атя.- ' Мезть ней тень тейнемс те идем ракшиненть марто ? Паряк, панемс мекев вирев?' Тесэ марявсь тензэ виренть ёндо: 'Ву-о-о-оуу-ув!..'.Каршо онгозевсть велень кискатне.
-'Вергизт!? Ва-ай:Ва-ана кить тонь тезэнь панидизь:',-чарькодсь Аштай атя.-'Кадсакая те тевенть валскес. Ков ней паньсак пиштяканть? Ансяк пежетьс прят совавтсак:Сэвсызь апаротне:'

***
Ашолгадома марто Аштай лиссь вирень инженть варштамонзо. Тона аштесь секе латалкс ужосонть ды вансь тосто домка эрькень кондямот, покш эрьге раужо сельмсэнзэ. Ортань чикорксстонть тарск тейсь. Аштайнень сон неявсь берякшкекс, секс панемадонзо мелесь марявсь тензэ ней а видекс.
-'Эряви васня андомс, кадык аламодо ёжос сы ды виеми',- арсезевсь Аштай. -'Ды виревгак васня сави эстень якамс. Эряви варштамс, улить-арасть тосо аванзо чалгавксонзо?', - Каясь сярдынентень ярсамкакс вадря тикшеде, сёлгсь яслятнес костязь пекше лопань тенсть, мадема таркантень кандсь оромшка олгопакш, кадык, келя, ярсы-оймси, зярс атясь яки вирев. Лиссь латалксстонь ды зярыя шка варинева вансь, карми а карми сярдынесь ярсамо. Тона эзь варштаяк каванямканть лангс.
-'Ванока, а ласты, унксов судось', - машнетевсь Аштай атя. - 'Паряк, симемазо сась, секс а ярсыяк?',-Кандсь кундамка марто чувтонь парькасо эждязь ведьте. Эзь кенере атясь латалксстонть лисеме, кода сярдынесь пелезь ладсо васня никсизе парьканть, мейле теке чарькодсь: пелемс а мезде, ды кармась покш мельсэ симеме. Симизе веденть потмаксос.
-'Паро, пек паро, оям!' - кецязевсь Аштай. - 'Ней сеск а сэстат. Симемат явавтык, ней, бути вачомить, ярсамояк кармат', - Истя лисськак.
Вирьсэнть Аштай атя курок муинзе сярдыненть ды вергизтнэнь чалгавкс яност. Эзгаваст ветешка вайгельбень ютазь, муизе се таркантькак, косо прядызе эрямонзо пайстомо сярдоскалось.
-'Вана мень апаро тев тесэ лиссь',- чарькодсь атясь.- 'Лисни а ков ней панемс сярдолевксэсь. Вирьсэнть сон ськамозо ансяк стяко ёми. Кадык тундос кедьсэм эри. Тосо вансынек мезть мартонзо тейнемс.' - Истя сярдолевксэсь кадовсь эрямо Лепелей велесэ.

***
Аштай эзь учояк, кода курок тонадсь кедезэнзэ сярдынесь. Таргошка ютазь, тона кодак несы атянть, мик кирнявты каршонзо. Ды кода лиякс? Аштай пачк максы тензэ мезеяк тантейне. Сехте пек сярдынесь вечкиль салсо почодозь кши печтьке. Сэвсы кшинть, мейле эцесы прянзо Аштаень кавалалонзо ды учи, зярдо тона а киневтьсы пиле удалга. Скалонтеньгак тонадсь, кармась ловомо эйсэнзэ аванзо таркас.
Курок весе велесь кармась содамо: Аштай атя три уроз сярдыне. Пелевеле, вишкинек-покшнэк, сакшность сярдолевксэнть варштнемензэ. Содазь, Аштаень мельс те пек эзь тукшно. Ды мезть тейнят, савсь а весть тензэ ёвтнемс, косто ды кода понгсь тензэ те вирь пачась.
Тундос сярдынесь виемсь ды аламодо кассь. Кизэнь перть Аштай атя важодсь велень стадань ваныцякс. Кизэнь перть мартонзо ульнесь сярдынеськак. Сон паркстомсь, мазылгадсь, конясонзо кармась касомо ламо рашков сюро. Сярдонь азоронтень ней велесэнть кармасть мереме аволь Аштай атя - Сярдай атя. Ды те атянть кежензэ эзь савтне. Пек сон вечкилизе эсь трявксонзо.
Теде мейле ламо иень перть сярдось ульнесь теке велень букакс, стадань прявтокс. Келей меште, виев рунго, мазый сюракш, тусто пона, кувака пильге, аволь кежей, теке марто мездеяк а пелиця. Истямо сон ульнесь. Сон а весть идекшнизе стаданть эсь умонь яттонзо - верьгизтнэде. Вирев сон тукшнокшнось ансяк кавто-колмо таргос, талай сёксня, сярдоавака мельга пансеме. Ды мейле ялатеке велявтыль Аштаень кардайс, секе нудеень латалксонтень.
А весть эзэнзэ пезнавкшность сявадыця сельмтькак. Урядникесь зярыяксть мерекшнесь Аштайнень, келя, ветик сярдот монень. Аштай сестэ прянзо невтиль рузкс а чарькодицякс. Рузонь церьковань бачкаськак бажакшнось сярдонть рамамонзо. Сенень Аштай мериль, келя, сярдонть тензэ эрзянь Инешкипазось казизе, секс сон а микшневияк.
Сярдось теке содась весемеде теде ды Аштаень башка киньгак эзь кунсоло, киненьгак прянзо эзизе максне. А истямо виев, пельс идем ракшанть, азёка кундык! Сонзэ оно кодамо сюракшозо!
Истя вана эряськак сярдось Лепелей велесэнть. Ды истя кувать, мик велентеньгак лия велень эрицятне кармасть мереме Сярдо веле.
Весть, сёксь ёнов, велень стадась сась велев чокшнэ ланга ськамозо. А Аштай атя, а сярдось - мартонзо эзть ульне. Ломантне чарькодсть: те а стяко. Цёратне секе чокшнэстэнть сыргасть вешнемест. Валске ёнов неизь вирь чиресэ аштиця сярдонть. Ардсть малазонзо, ваныть, сярдонть икеле -кунст, кулозь Аштай атя. Чинь ютазь сонзэ калмизь. Кулома тарказонзо эрзянь койсэ стявтсть лемень кундамо тешкскудыне. Паро, чевте седей, ломанесь ульнесь.
Се шкастонть саезь сярдонть велесэнть кияк эзизе некшнэяк. Ансяк вирев якицятне ёвтнильть, келя некшныльть вирьсэ мазый, виев сярдо. Паряк, те самай сон ульнеськак? Кие соды:

***

Сырькаесь таргизе оймензэ ды ванькс ашо пацинесэ нардынзе сельме кочкарянзо, конатнес пурнавсть сельведть:Мейле олазь сельмсэнзэ варштась чамазом, кунсолан-арась эйсэнзэ? Таго таргизе оймензэ ды прядызе ёвтнеманзо: - 'Всё еты мне мордовску сказывала Олдабабай... Селе ея Астай Олда звали:А сама-то я мордовски уш и не можу:Вот отсюды и Сярда:Ды зачем тебе, сынок, ета нады?'
Мон сюконинь бабинентень ведьсэ каванямонть кис ды ёвтнеманзо кис:Алкукс, мейсь монень эряви содамс, мекс те веленть эрзянь лемезэ - Сярда ? Кинень теде содамось эряви? Оно сеть эйкакштнэнень, конат сынсь эрзянь чачосо, а чоледить налксемстэ рузкс?
Нолдыя машинанть моторонзо ды сыргинь седе тов. Ким кувака. Ледьсь мелезэм лияяк ютазь велень лем - Сандерка: Ды эдь теяк эрзянь лем: Сандей Эрьке! Мекс се велесь истя лемдязь? Кие теде соды? Кие теде ды кинь туртов ёвтнесы?
Мейле арсезевинь вана мезде. Варштакая, ловныця, Эрзянь Масторонь картанть лангс. Ванок зяро ламо лангсонзо тешкстазь велеть истямо 'мазый' лемсэ: Покровское, Рождественское, Михайловское, Монастырское, Богородское :
Монень неяви истямо потмонеявкс: Умонь шка. Арды Эрзянь Масторонь кирдиесь попонзо марто эсь губернияванзо. Каршонзо велетне весе эрзянь лемсэ. Те мень истят тевть? Те мезе, Россия эли кодамояк Тьмутаракань? Велень лемтнень ёвтамсто весе келетькак яжасак-синтресак! Эрицяст лемдязь? Лемдязь! Писарть, лемдинкая нейке весе неть велетнень мазый рузонь ды православной лемсэ! Ды сеск ёмасть Эрзянь Масторсо зярыя эрзянь велень лемть:
Омбоце неявкс: Аволь умонь шка. Арды Эрзянь Масторганть васенце секретаресь. Каршонзо ней уш ансяк зярыя велеть эрзянь лем марто. Ялатеке, те мень а чарькодевикст лемть? Кодамо сынст зэмест-смустест? Ков сынь тердить советской эрицяст? Содазь, аволь коммунизмав! Лездыцят, нейке арседе неть велетненень мазыйть, икелев тердиця лемть! Ды шкань ютазь эрзянь велетнень лемест полавтызь. Ней сынст лемдить: Путь Ильича, Светлый Путь, Луч, Звезда, им.Чкалова, им. : съезда:Мазыйть лемтне! Ды сехте паро - рузкс шождасто ёвтавить, смустесткак ней чарькодеви!
Лисни, Сандерка ды Сярда велетнень трокст зярс вейкеяк покш рузонь прявт эзь ютакшно. Меньсэ тевесь. Эрицятне рузыясть. Кадовсь ансяк муемс тенст неень шкань мазый лемть. Туить койсэм истят пек мазыйть: им. Великой, им. Неделимой, им. Державы, им Демократичной, им.Патриотичных сил..., ды седе тов:
Истя, эрзят, эрятано:.Истя, эрзят, эсь коенек-иланок ванстатано:

*** *** ***

ЭРЮШ Вежай. 1998 ие. Полярной ош, сундерьков, 7 чи.

Эрзянь нилькс

администратор

Пост N: 1434
Зарегистрирован: 17.11.06
Рейтинг: 4

Отправлено: 05.05.09 17:46. Заголовок: Эрюш Вежай Алтави Йо..

Эрюш Вежай
Алтави Йовлань Олонень.

Велявт Эрзянь Масторов.

Кува тон аволить яка,
Кува тон аволить пака,
Тон велявт кудов, Эрзянь Масторов,
Лецтик эйкакшпингеть одов.

Вадовось менельга уи,
Ванны, мекев вирев туи,
Пизэзэ тосо, левксэнзэ тосо,
Тетянь-авань кудось косо?

Тосо нувсить варма зэхельть,
Ливтнить ашо шождыне пельть,
Тосо ломантне одт, вишкинеть кудот,
Гайнить тосо эрзянь морот.

Вант, тонь кудо юртот каладсь,
Велень калмазыресь порксазь,
Домка лисьмась коськсь. Колызь, эли сонсь?
Содан, теньсэ чуман мон монсь…

Таго вирьстэ вадовось сась,
Велькскам ливтни, сулей каясь.
Середи оймем, лазы седеем,
Мезес мон путыя вием?

Кува тон аволить яка,
Кува тон аволить пака,
Тон велявт кудов, Эрзянь Масторов,
Эсь кудозот совак одов.

2006 ие, якшамков, 12 чи.

Эрзянь нилькс

администратор

Пост N: 1435
Зарегистрирован: 17.11.06
Рейтинг: 4

Отправлено: 05.05.09 17:54. Заголовок: Эрюшонь Вежай Мань..

Эрюшонь Вежай

Маньчема
Ёвтнема

Медьков. Коштсонть медьарвонь тансть. Чизэ азорокс кутмордызе лембе, эждий кедьсэнзэ валдос навазь пертьпельксэнть, эрзянь ёнксонть-масторонть. Чипаенть лангс а варштават, сельмть кери. Сон теке пициця тюжа пачалксе поводсь пря велькссэ, ванькс менеленть сэрей тёкшсо ды пси вечкемань толсонзо палсезь палси эрямоилыксэ пешксесэ Нороваванть-моданть, сень весементь, мезентень сон эсь лембесэнзэ казсь ине казне - Эрямо.
Чипаень лембентень, эрямонтень кецнесть, марявсь, эрзянь Кажвелень кудынетне-кардазтнэ, икелест касыця сэрей, рацяня ветлатне, кувакатне, леенть видьс таргавозьтне эмеж пиретне, пире песэ цитниця Сургут леесь, чиреванзо пижес навазь тусто кальвиресь, томбалензэ - тюжалгадыця сюро паксятне ды чополт мери пиже вирень киксэсь.

Чинь налтнэ нолштызь Киятань чаманзо, теке лембе ды аламошка иржаня скалонь кельсэ, зярдо цёрынесь кирнявтсь кудыкельксэнь сэрей чалгамостонть витьстэ пулев кинть лангс, кона ёзнэкс меньчевезь венстявсь Алопень кудотнень икельга. Чалгамось ансяк 'чи-икорр-рк' тейсь.
Цёрынесь аламнешкинес лоткась, теизе кедьлапушканзо лазнэкс, аравтызе конязонзо, чивалдось сельмензэ илязо пек керя, ды варштась пиретнень томбалев, тов, косо цитнесь каль куракштнэнь ды чей пулотнень юткова чудиця леесь.
Чопода кудыкельксэнть потсто, панжадо кенкшканть, мельганзо каятотсь Федай сырькаензэ мелявксов вайгелезэ:
-Ва, нуцькинем, ванок: Кувать илядо экшеле, ормалгадат! Ды илядо чопавтне кува а эряви. Прянк ванстадо!:
Нама, неть превс саема валтнэнь цёрынесь маринзе уш удалдонзо, зярдо ношкстась Верепе ёнов Осипинь пандо чиреванть молиця теине, кудонь ракшасо шешкевть яннэванть. Тосо, Верепесэ, учость эйсэнзэ Оря васол сырькаензэ нуцьканзо, Киятань васол лелятне - Серьгут-Микольть, кирдажозо - Михал ды Нина васол сазорказо. Сынь исяк мартонзо кедьсэ чавсть молеме вейсэ Чирекс лисьмав экшелямо.
Кията чиезь-чиезь ютызе Осип атянь кудонть, Олёшкань пандочаманть, конань ало каргокс венстизе кувака кирьганзо менельс сэрей очоп лисьмась. Тестэ саеви Кажвелень Верепесь, алопенсэнь цёрынетнень туртов - лома пе. Киятань икеле ней ульнесь пелема ки пельксэсь. Тесэ эрить Маёртнэ. Торпингень паксясто тетяст велявтсь 'майор' ушманлемсэ, секскак велень продештяст истямо. Сынст кавто покшке цёрынетне та-мекс а вечксызь Киятань, секс кодак несызь, пачк терявтыть кундамонзо ды 'вачкамо' тензэ парстине. Судонзояк цёрыненть а весть порксакшнызь-тапакшнызь. Пилень стявтозь, пштистэ кудост ёнов ванозь, Кията комазь-комазь ютынзе Маёрынь удалсь кардтнэнь-утомтнэнь. Таргизе оймензэ:Седе тов кись ульнесь ванькс, пеляскалемс ней ульнесь а мезть. Цёрынесь курокке пачкодсь Оря сырькаензэ кудо юртонть видьс.
Зярдо сон совась чивалдостонть экше кудыкелксэс, сельмензэ чоподадонть теке сокоргадсть. Кальцькадсь синдерькссэнть. Кедензэ икелензэ венстязь, ютась панжадо кудо кенкшканть, совась удалсь кудос. Тесэяк чоподаль. Вальматне вельтнезельть, налкставт кизэнь карвотне кудос иляст совсе-ливтне.
Васолсырькаезэ чоподаванть каштом чирестэнть цёрынентень сеск эзь нееве. Тонантеньгак эзь содаво, кие сась. Кията маризе тосто корсяня вайгелензэ:
- Те кие сась ? Тон, Михал?
- Аволь. Те мон, Кията, - макссь вайгель каршонзо цёрынесь. Куйсь
каштомонь алсе, пильгтнесэ валакавтозь, чалгамонть лангс. Ней нурькинестэ наразь прязо сатыль каштом лангонь видьс.
Оря сырькаесь сырель, якиль стакасто. Коське, лавшо кедьсэнзэ вадяштызе Киятань прява.
- Ва-ай, левкскем, кода кецявтык седеем. Варштамом сыть?
- Аволь! - тей-тов ахолдась прясонзо Кията. - Экшелямо. Косот Михалт-Микольть? - терявтсь сон сеске валгомо кияксов.
- Аштека, аштека вакссом куш аламнешка, витик мелем, - кирдизе сырькаесь цёрыненть кедте.
- Иля капша, кенерят экшелямо. Васня ёвтника тень, кода тосо эрить-аштить Кият ды Федай покштят-сырькаеть? Шумбрат-парт? А сэредить?
- Арась. А сэредить. Покштям нешкть ванкшны. Од дадана тейсь. Магазинт
аноксты.- Киятань сельмензэ тонадсть кудонь чоподантень, вальма сляниканть пачк сон неинзе ялганзо. Пакшатне эмеж пиресэ кочксть чурька пандят.
- Мон туян, сырькай! - Оря сырькаесь чарькодсь, кодамо акирдемасо
пешксель Киятань оймезэ. Седе тов эзь карма цёрыненть кирдемензэ.
- Азё эно, цёрынем. Ванан пек капшат. Ванодо тосо. Экшелямсто ков а эряви
илядо эце. Кият атянень ды Федай сырькаентень ёвтак шумбракстнемат пельдень. Кадык сыть варштамон ютко шкасто:- Неть валонзо Кията маринзе уш кудыкелькстэнть.
Кочкицятне сазь ялгаст вастызь чатьмонемасо. Ансяк варштасть лангозонзо. Прянь апак кепсе капшасть кочкома паест прядомост. Кувака чурька пандясь явтазель колмов. Сехте покш пельксэнть кочксь Серьгу. Сон покшось. Тензэ моли кемнилееце ие. Ялатеке сон кочкомсто икельдинзе Миколень ды Михалонь-Нинань. Кията кундась лездамо кирдажнэнзэ. Тевесь курок прядозель.
Эйкакштнэ вешсть сырькаест кедьстэ модамарень-чурькань сывтень, скалойсэ рестазь прякинеть. Шкань апак ёмавтне сеск ношкстасть Покш пандонть алга Грань лисьманть ёнов. Косо лисьмась прыль лейс, ульнесь эйкакштнэнь сехте вечкевикс экшелямо таркаст.
Вана сонгак, Грань лисьмась. Истя тензэ мерить вана мекс. Сон ашти Захарка ды Адлякува велетнень модаст граньсэ. Тесэнь эрзятне ловить сонзэ Пазонь лисьмакс. Коське шкасто тей сакшныть ломантне Пургине Пазнэнь озномо, пиземень вешеме. Лисьмапрязо пек виевстэ чави эрексиянь кондямо ведьсэ Покш пандонь чамалондавксонть алдо модапотмонь чопода потмаксстомо варятнестэ.
Пакшатне сеске кайсизь понкскест-панарнэст чевте луганаронть лангс. Варакань лопасто тейнесть симема ваканкат, амолькшнесть лисьмапрястонть сиясо кувтолдыця кельме ведтенть ды ярсасть прякинеде ведень корштнезь. Тансть дык тансть те ульнесь! Келетькак нильсак:Вейкесь превс а саеви: мекс неть прякинетне истя курок сэвевсть?!
Лисьмапрядонть аламодо седе ало Сургутось лиси тусто каль ютксто панжадо таркав. Сельме икелев сон ливти есь ванькс, сэтьме ведензэ. Тесэ сон теи келей ужо. Те ужосонть леесь келемти чирензэ ды алкиньгавты сэрензэ. Теи мик веденькеверькс таркат, косо састыне шольни потмаксстонть неявиця кевтнень велькска чудемстэ. Пачк невти ведьсэнть парсте неяви тюжала човарось, сёвоньсэ ацазь лей потмаксось. Эзганзо чудеманть каршо юв-яв ёзмолдозь укшныть та-мезень вешнезь модарькат. Седе сэрей таркатнева, косо ведесь седе чопода, веденть потсо тей-тов ювныть валдо пижеть, рацяня ведьпарсейть. Ужонь алка лейчиретне теке кумбосо ацазь мода ёжова касыця чевте, вишка ожо цецине марто тикшинесэ - 'дигань лапинесэ'. Те лейчиресэнть налксемскак пек ён ды паро. Улить вишкинетнень туртов пулькамо таркаткак, покштнэнень - сэрей чирестэ чопавтнема таркаткак.
Мельга меельцек эйкакштнэ чопавсть леентень. Ансяк вете иесэ раужо сельме Нинань кадызь лей чиресэнть. Сон зярс укшномо а машты. Сонзэ мейле Серьгу экшелявтсы.
Серьгут-Микольть сеск уйсть домка таркав, кармасть сэренть онкстнемензэ. Михалт-Киятат бакакс пулькасть-ботасть алка таркасонть, вейкесь омбоценть терявтсь прянек-мезнек навамонзо. Лейчире лондавксонть алдо коморосо таргсесть сэньшт молиця, чапаксокс ичевиця сёвоненть, идемевсекс ваднилизь чамаст-рунгост, пижакалезь кирнявтнильть ведьс. Тень пингстэ веденть чамава укшныця ваксошкань покшолмасо синтёпкатне ды лия кал левкстнэ эрьваксть тандадозь сралесть эйстэст эрьва ёнга ды шкань ютазь одс пурнавильть секе таркантень. Леенть велькска васов кайсететсть эйкакштнэнь гайтев вайгелест. Ансяк Нина сазоркась лей чирестэнть вешсь ниреждезь:
- Мо-оньга-ак экшеля-а-а-втами-и-изь:
Окойники сонзэяк Серьгу састыне, кедь педе, нолдызе ведев. Пекине алга кирдезь аламнеде укшновтызе тей-тов. Нинань раужо плаштинень кондят сельминензэ тень пингстэ цитнесть а ёвтавикс кеняркссо. Сон мезе вийсэнзэ плестяесь ведьганть кедь лапушкасонзо, киска левксэкс цийнезь цийнесь мельспародонть.
Эйкакштнэ кельместь, рунго киськеваст пупстасть пупорькат, ёжо понасткак стякшность, пейзаласкест сорномадост кармасть кальцкаеме, турваст сэньшкадсть. Пакшатне кирнявтсть лейстэнть, маднесть пекест лангс вейке-вейкень ваксс чевте, лембе луганаронть ланга. Чинть ало киськень калямо. Чизэ курок костинзе ды эждинзе рунгинест.
Кията велявтсь кунст, путынзе кедензэ прянзо алов. Чи валдось валдо якстересэ неяви пекстазь сельмекерьтнень пачк. Чинь лембесь тантейстэ кутьсти сельмтнень, кости сельмепонатнень. Кията соды: ломанень вересь - якстере, секскак сельмекерень пачк чи валдоськак неяви якстерестэ. А вана пиже тикше лопанть пачк сон неяви пижестэ, ванькс веденть пачк сон валдо сэньшт моли:Та-косо пек вере, певтеме сэрей менельсэнть, жойсэ моры а неявиця норовжорчось:Кода сон тонадсь истя мазыйстэ морамо?
Пилензэ вакссо бийнезевсь сеське, омбоце:Ней неть идемевстне сэтьместэ эжнеме а кадтадызь.
- Эрь! Адядо Покш пандо пряв! - кирнявтсь таркастонзо пакшатнестэ сехте эрязась, Миколь.
Пандо чамаванть касыця тикшетне седе коськеть, калгодот, пупсить кепе пильгтнень. Ялатеке эйкакштнэ вейкень-вейкень икелькстнезь, чиезь-чиезь кузить пандонь чиречамаванть верев ды верев, тов, косо пандо прясь вастови менеленть марто, тов, косто, маряви, ансяк кедеть венстик ды вана сон, ашо вецана пель панкскесь, карми кедь коморсот:Киятанень маряви: сон теке витьстэ сэнь потмаксонь менельс кузи:
Стакасто лексезь лоткасть пандо пря чиресэнть оймень таргамо. Кията мари, кода мештькесэнзэ ирдезкетнень пачк озяз левксэкс сиземадонть чави седейнезэ, пря бокасонзо токнозь чави, чави верь саннэсь:
Тесэ, Покш пандо прясонть, Кията мари эсь прянзо ливтиця нармунекс, вадовокс эли мик куцьканокс. Мастор элесь теке потазевсь удалов ды васов. Сон ней неяви эрьва ёнов васолксонь лембеденть сорныця сувнэсэнть. Ансяк пондакш пель панкскетне шождасто кепетсть седеяк верев, кодаяк а сасавить:Сынь истя, улема, мик чипаенть сэрьс кузить:А вана цикниця цянакатне ней леенть кувалт мик алонзо ёндолокс ливтнить:Кията арси:
- Вана мон ливтян таргавозь штапо пря пандокерьксэнть велькска Якстере пандонть ёнов, мик эль-эль неявиця Адлякува веленть видьс. Мейле пурдан мекев, ютан паксятнень велькска Микольскоенть ёнов, мейле - чипелев, Лёксандровка рузонь веленть велькска теян састо кирькс ды валган Отрада велень калонь сёлтнэнь ваксс. То ёнов чизэ чокшнэ ланга ланди:
Штапо керш лавтовозонзо кирнявтсь покш, пиже пакся цирькун, сезинзе Киятань маней, шожда мелензэ-арсеманзо, ды апак учо валгстызе цёрыненть верьга-васолга ливтниця оймензэ Мода масторонть лангс. Цёрынесь соркстась лавтовсонзо. Цирькунось цирьсэ цирьнезь ливтясь та-ков ашо ковёлтнэнь потс, ёмазь ёмась.
Ялганзо те шкане ульнесть уш таго пандонть ало, кармасть лисьмапрястонть чудиця лейненть сёлтамонзо, теить экшелямо сёлт. Сёлт пирявксокс кантнить пакся кевть, карягат, коське тарадт, тюжа ичевиця сёвонь. Ёроков, эряза эйкакшонь кедтне курокке вачкизь сёлтонть. Мода потсто чавиця, эекс тарькс кельме ведесь чаразь-велязь пешти келей керезень кондямо домка сёлткенть. Вана сон кармась чадомо сёлт пирявксонть трокс, теевсь дорныця ведьпрамо ды дорны чакш.
Шказо сась чопавтомс эзэнзэ! Тулевксэкс цирьнезь пакшатне кирнявтсть кельмесэ пициця ведентень. Ведьсэнть те кельмеденть васня ойметькак сеск а таргави, кельмесь сэрьс толсо кирты-тапарды рунгонть. Эйкакштнэ пелькстыть: кие седе куватьс цидярды те кедень-пильгень катаргавтыця тол кельме ведьсэнть?!
Васенцекс тандавтозь вашинекс кирнявтсь ведьстэнть та-мекс сехте покшось, Серьгу. Паряк превензэ лиятнень коряс седе ламольть? Мельганзо - Киятат-Михалт. Весемеде куватьс эсь рунгонзо те ведьсэнть нарьгизе Миколь. Сонзэ вана пачк истямо корозо, зярдояк валдонзо-тевдензэ удалов а поты.
Ней нейке эряви чиезь чопавтомс Сургут леентень! Самай теньсэ те тевенть весе зэмезэ аштияк. Сестэ леень экшине ведесь лисьмапрянседенть мейле маряви малав-малав мик псикс!
Вана кедтнень пря велькссэнзэ венстязь домка таркас прясо чопавтсь кувака Серьгусь, мейле вейсэ Микольть-Михалт: Мельгаст истяяк, прянь икелев, кирнявтсь серейне лейчирестэнть Киятаяк:Сон маризе, кода плестядсь прянзо алдо эрьва ёнов эждиця ведесь, маринзе ашо човонь булдоркатнень лажномаст-каштордомаст: Пря човонезэ нерькставсь мезес-амезес калгодос, теке узерень обушкас. Сельмссэнзэ кирвайсть кавто валдодояк валдо тол кесакт, гувны толонь кирькст, конатне кармасть келейгадомо, эчкелгадомо, касомо. Теке толга тодовонь пачк Киятанень марявсть та-кодат а чарькодевикст вайгелькст-пижнемат, конатнестэ тензэ чарькодевсь ансяк вейкине валось:
- Верь:верь:верь:
Сон марясь, кода чуди ведесь састыне уски лавшомозь рунгинензэ алов:Мейле сон уш мезеяк эзь маряяк:
Зярдо стакасто панжовсть сельмензэ, неизе эсь прянзо кунст мадезекс лей чирень луганаронть лангсо. Прязонзо путозель томба верьсэ вадневезь панарнэзэ. Сельмезэнзэ пштистэ вансь Серьгу, чевелявтсь сэньшкадозь турвасонзо.
- Кода ёжот? Пек тонеть? - окойники маринзе Кията кевкстеманзо пилесэнзэ марявиця увтонть пачк. Аламонь-аламонь сэнь менелесь велькссэнзэ кармась лоткамо велямодо. Цёрынесь озась, кармась сонсь кирдемензэ порксазь прясонзо комказь верев панарнэнть.
- Кията! Кода ёжот?! - таго кевкстизе Серьгу.
- Пп-п-парст-тте:ашназа турванзо эль-эль явтынзе Кията. - А-ансяк п-пилесэм мезе б-бути б-бийни:
Серьгунь чамазояк мик валдомсь. Кортазевсь цёрынесь!
- Те мезес истя мон? - кевкстсь Кията.
-Улема, кевс, - ёвтызе мелензэ Миколь. - Се паро, сон аволь пшти понгсь, меремс, мик валаня. Верепазось аламнешка ванстынзеть.
-Ва-а-ай:мезе ней мон кудосо ёвта-ан:- кармась ней ниреждеме Кията. - По-онги-и тень:Ав-в-аам прям сейсы-ы:
-Лоткак!..- казякадсь Серьгунь вайгелезэ. - Васняяк эряви мейсэяк прят тапардамс, - арзезь сон поладызе валонзо.- Оно, панарось тунь вериясь:Эсиньсенть, паряк, сезнеса, - кармась сон эсь панаронзо каямо.
- Аштека, - лоткавтызе сонзэ Миколь. - Эрьде, Нинань кучсынек кудов. Кадык веши Оря сырькаенек кедьстэнзэ кодамояк ванькс коцт панкске. Кадык Нинась тензэ мери, келя Киятань пильгезэ тапазь сляникасо керявсь экшелямсто, секскак панкскесь эряви пильгенть сюлмсемс:
Те мелесь весень мельс тусь. Нина сеске чиезь ношкстась велиненть ёнов.
- Ней эряви арсемс, мезе тенек ёвтама кудосо, зярдо кевкстьсамизь, кода истя те апаро тевесь Кията марто лиссь, - поладынзе арсеманзо Серьгу.
-Эрь, мертяно: минь экшелилинек, ардсть Покш пандо пряс Адлякувасто та-кодат ласте цёрынеть, апак учо кармасть тосто лангозонок ёртнеме кевсэ. Вейке кевесь вана понгсь Киятанень пря ланга:- ёвтась превей мель ёжов Миколесь. Прасть ве мельс: истяня кудосо кармить теевезденть ёвтнемеяк.
Шкань ютазь велявтсь ней уш пек апак капша Нина. Ве кедьсэнзэ пельс сэвезь прякине, омбоцесэнть - вишкинькине якстере панкске, конаньсэнть аволь мик лазозь пря, пелька пряяк а сюлмави. Венстизе сонзэ Серьгунень:
-Вана, кандыя:
Тона тетькинзе лангозонзо сельмензэ:
- Те мезе, панкс истямо?
- Па-анкс:
- Арази те панкс?! Эх тон, вазонь пря:Тонь мезе мельга кучныдизь? - кальцкадизе лелясь тейтерьканть куншка сурсонзо конява. - Тон несак мезе кандыть?!
Нинань чамазо чапаськадсь, раужо сельминестэнзэ пургасть сэпей сельведть, тейтерькась аварьгадсь эчкела, икныця вайгельсэ.
- Па-анкскенть тень сы-ырькаем м-максызе:
- Паро, эно. Лоткак ильсемеде,- мерьсь тензэ Серьгу ды кармась таго каямо панаронзо. Ансяк эзь кенере.
Экшелямо таркастонть аламодо седе ало теезь печкимантень кальстэнть лиссь ава ломань ды серьгединзе сынст. Те ульнесь Ёвга васол патяст, кона эрясь Адлякувасо ды ней Микольскоенть трокска мольсь инжекс Кажвелев. Вана сон печкизе састыне леенть, ютась пакшатнень малазост ды абунгадозь вачкодсь кедьсэнзэ пукшованзо:
- Вай-вай-вай! Нишкепаз! Верепаз! Те мезе истямось Кията марто?! Кие сонзэ истяня?!
Цёрынетне, сельмень модас пезнавтозь, вейкень-вейкень сезнезь, ёвтнесть тензэ 'ластетнеде'. Келя, вана ардсть, вана апак учо ёртсть ды вана понгсть кевсэ Киятанень пря ланга. Ды вана сеске тусть ардозь Адлякува ёнов:
Ёвга патясь каизе прястонзо ашо пацинензэ. Сюлмсизе эйсэнзэ Киятань прянзо, кепедизе цёрыненть, озавтызе кедензэ лангс ды келейстэ эскельдязь сыргась мартонзо велиненть ёнов. Эйкакштнэ нувара пулынекс мольсть мельганзо. Киятянь тапазь прязо ней а сэредильгак, ансяк превензэ аламодо велясть ды уксноманзо шкань-шкань кепсевсть, рунгозояк тень пингстэ марявсь нулакс лавшокс.
Цёрынентень ульнесь пектеяк пек виськс: кода эно, вана теть, пачкодсь истямо тевс - сон уш покш цёра, а вана кандыть эйсэнзэ кедь лангсо теке потякшонь кудотнень-вальматнень икельга весе веленть кувалма:Секскак сон зярыякс терявтнесь валгомо Ёвга патянть кедьстэнзэ ды тонась эссекшнэ нолда, седеяк кеместэ лепштылизе чевте, лембе мештезэнзэ. Кията кекшизе сельведтнеде начко судынензэ аванть лавтов юрс, косо сталмодонть токнось чавиця седейверь саннэсь ды истя, сельмень конязь ды кекшнезь ютавтызе весе молема кинть.
Кудосонть, зярдо сынь совасть, весе талнозевсть. Киятань авазо, Насько, зярс Ёвга патясь ёвтнесь ластетнеде ды сынст апаро тевденть, курокке шлизе армотьксонть ды томба веренть, тапардызе цёрыненть прянзо ванькс марлясо. Путызь Киятань икельсь кудосо кшнынь, чевтьстэ ацазь коникенть лангс, вельтизь лембе вельтявкссо, макссть тензэ симеме та-кодамо куслянь кондямо симемка, марявсь тензэ теке вецана кулага. Прялксокс путсть сэрейстэ чавозь, чевте тодов.
Цёрынесь неть мелявкстнтнэде-ваноматнеде ды кудонь лембеденть кармакшнось уш сутямомо, зярдо маризе, кода удалсь кудос совась Кият покштязо. Тона сеск чийсь кудов велень вейсэнь кардайстэ, зярдо тозоньгак пачкодсь кулясь нуцьканзо марто теевезь зыяндонть. Кията марясь пельс панжозь кенкшенть пачк, кода аватне атянтеньгак ёвтнесть адлякувань ластетнеде: Вана кияксонтень вачкодевсть тубареткань пильгтне. Кият атя истя сезевсь-стясь лангстонзо. Кежензэ лаказь лаказевсть!
- Федай! Косо панстось ды локшось?! Панстаса Бунчуконть, стардсынь злыдартнень, киськест верьс ваткасынь! - марявсть мик икельсь кудоскак кежень пачк ёртозь валонзо.
Киятань седеезэ киторк тейсь, мерят, чавомодояк лоткась:Вить кодаткак ластеть арасть ды арасельтькак! Сеть ластетне - голь маньчемат!! Седеезэ эзь цидярдо:
- Ава-а-ай-й!..- верьга вайгельсэ тюрьсэ рангозевсь цёрынесь эчке вельтявксонть алдо. Авазо тандадозь кирнявтсь удалсь кудостонть ваксозонзо.
- Тон мезе, левкскем?! Истя пек теть?
- А-аво-оль.., и-и..,- ниреждсь Кията ды терявтсь кекшемензэ прянзо тодовонть алов. - Кады-ык по-окштя-ям ковгак а ардтни-и:Ко-одаткак ла-астеть арасе-ельть:Те мон экшелямсто ке-евс:Но-олдынк чумо-ом:Мо-он ма-аньчинь:
Виськсэсь псисэ валызе-пештизе цёрыненть весе оймензэ:

* * *
Ниленьгеменьшка иесэ цёра ашти озадо Покш пандопря чиресэнть, кувать ваны Сургут леенть лангс, леенть томбале лымбиця товзюро паксятнень лангс. Сон мари прянзо теке куцьканокс эли вадовокс, кона ливти пандокерьксэнть велькска васня Адлякува веленть ёнов, мейле паксятнень велькска, Микольскоенть велькска ды валги плёсанть томбалев:
Штапо лавтовозонзо кирнявтсь пижела пакся цирькун:
- Па-акшт! Пакшт-пукшторрр!!!- апак учо сезизе пертьпельксэнь кашкамонть ды сэтьменть теке гранатань сезема пандонть ало, тосо, косо Грань лисьмань лейнесь прыль Сургутс ды теиль ведьулыне. Ды сеск тосто каятотсть казямо вайгельть:
- Вот это пиз:анули! Рыбы-то тут! Ох:еть! Да ху:ли ты её руками!! Сачком! Сачком её греби!
Каршозонзо седе човинестэ:
- А ты не п:зди! Сам давай лови. Тут всем самарским бл:ям хватит!
Озадо цёрась стясь таркастонзо, теке пувтась. Соракавтызе лавтовстонзо цирькуннэнть. Велявтызе чаманзо леенть эйстэ ды тусь то ёнов, косо зярдо-мень шка ульнесь эрзянь Кажвелинесь. Ней таркасонзо ансяк чаво тарка. Тия-тува неявить калавтнезь кудоюртонь губорькскетне, азортомо касыця шукшторовкс курынеть, пельс синтрезь умаринат. Ракшасо шешкезь-тапазь калмазыренть таркасо ладс аштесь ды кунсолось варматнень ансяк вейкине лецтнема палмань. Эйсэнзэ сёрмадозь:
1894-1972 иеть
Тесэ калмазь Кият атя
Цёранть превсэнзэ налкставт карвокс чавсь-токнось кевкстема:
- Кинень мешась те идемевсь Масторсонть вишка эрзянь велинесь?!

--- --- ---
Севастополь-Полярной. 2000-2001 иеть.

Potapoff

Пост N: 174
Зарегистрирован: 19.05.08
Откуда: Самара ёнкс Вирьпуло веле
Рейтинг: 0

Отправлено: 05.05.09 19:49. Заголовок: Я вот, что заметил, ..

Я вот, что заметил, хотя и кириллица удобней читается, текст написанный латиницей намного красивей, в нем как будто больше энергетики, от кириллицы же веет чем-то церковным.

Эрзянь нилькс

администратор

Пост N: 1436
Зарегистрирован: 17.11.06
Рейтинг: 4

Отправлено: 05.05.09 20:28. Заголовок: Potapoff пишет: тек..

Potapoff пишет:

цитата:

текст написанный латиницей намного красивей

И он сразу становится похожим на европейские тексты, особенно на финский, эстонский, карельский, венгерский. Много слов с одинаковыми основами(корнями?).
ЭРЗ:Erzänj mel, erzänj kel, Erzänj Mastor!
ФИН:Ersän mieli, ersän kieli, ersän maa!

Эрзянь нилькс

администратор

Пост N: 1437
Зарегистрирован: 17.11.06
Рейтинг: 4

Отправлено: 05.05.09 20:33. Заголовок: Telen nejavt ..

Telen nejavt Телень неявт

Valsken Teshtes sorny, lipni –
Валскень Тештесь сорны, липни –
Valdo-valdo sqen,
Валдо-валдо сэнь,
Menel meshtsqent nalksi, kolni –
Менель мештьсэнть налкси, кольни –
Talnovty eisqen.
Талновты эйсэнь.
Malasonzo – tarvaz Kovos
Маласонзо – тарваз Ковось
Suvnqesqe kekshni,
Сувнэсэ кекшни,
Cät jakshamosj lov shushmotnen
Цят якшамось лов шушмотнень
Sijaso vikshni.
Сиясо викшни.
Net vikshnevkstnqe ansäk valskes
Неть викшневкстнэ ансяк валскес
Sätkso piksterdit,
Сятксо пикстердить,
A sodaviks telen jovksos
А содавикс телень ёвксос
Eisqem syn terdit.
Эйсэм сынь тердить.
Kasht valdoso, vir chirese
Кашт валдосо, вирь чиресэ
Se jovksos eri...
Се ёвксось эри…
Nejevlija... Dy vijevstqe
Неевлия… Ды виевстэ
Valdosj selmt keri...
Валдось сельмть кери…
Angen Teshtes lipni, konchtni –
Ангень Тештесь липни, кончтни -
Valdo-valdo sqen...
Валдо-валдо сэнь…
Menel meshtsqent nalksi, koljni –
Менель мештьсэнть налкси, кольни -
Talnovty eisqen...
Талновты эйсэнь…

* * * * * *

Эрюшонь Вежай

Эрзянь нилькс

администратор

Пост N: 1438
Зарегистрирован: 17.11.06
Рейтинг: 4

Отправлено: 05.05.09 20:39. Заголовок: Седеень к..

Тон апак ёвтне ёвкс…

Тон – апак сергедть моро,
Тон – апак ёвтне ёвкс,
Тон – модынесь коморсом,
Тон – седеень киторкс…

Леметь – эжди седеем,
Морот – витить мелем…
Вечктян, Эрзянь Мастором!
Вечктян, эрзянь келем!

Вечктядызь ансяк эрзят,
Вансттадызь – ансяк сынь,
Тон превсэм, мельсэм эрят,
Секс эрзякс мон касынь…

Кода леметь а кекшить,
Кода а тапить тонь,
Мон теть Эрямо вешан,
Пшкалян кисэть Пазнэнь.

Тон – эрянь гайтев моро…
Тон – эрзянь мазый ёвкс…
Эряк, Эрзянь Мастором!
Ульть-ульть, седей киторкс!

Эрюш Вежай
2007 ие, ожоков, 8 чи.

Эрзянь нилькс

администратор

Пост N: 1439
Зарегистрирован: 17.11.06
Рейтинг: 4

Отправлено: 05.05.09 20:43. Заголовок: Эрзянь од аватненень..

Эрзянь од аватненень.

Потяка марто налксемкат.

Маравт.

Сурсо эйкакшонь рунгиневанть "чиезь-чиезь" куцтить эйденть ды тень пингстэ мерить:

- Коткудавось моли, моли! Коткудавось моли, моли!

Мейле састыньке вачкоить кедь лапушкасо ды кортнить:

- Карвось ливти, ливти, ливти! Карвось ливти, ливти, ливти!

Мейле тандавтнезь ладсо сурпринесэ пупстнить эйденть пекинензэ:

- Сеськесь пупи, пупи, пупи!!!

Вишка эйкакштнэнь мельс пек тукшны истямо налксемкась.

Кополсо.

Эйкакшкесь озавтови элес, ве пильге конилка лангс, рестеезь кепсеви-валгстневи пильгесур прясо верев-алов. Тень пингстэ морави:

- Коп, коп, арды! Нумоло старды! Коп, коп, арды! Нумоло старды!
- Ков /Маря/ арды?! Ва-а-асов!!
- Коп, коп, арды! Нумоло старды! Коп, коп, арды! Нумоло старды!
- Кода /Маря/ арды? Вана истя:
- Коп, коп, арды! Нумоло старды! Коп, коп, арды! Нумоло старды!
- Стардызе! Кундызе! Кудов ускизе! Кардайс нолдызе!
- Сизесь! Мадсь! Матедевсь… Хр-р-р…Уды…

Эрюш Вежай

Эрзянь нилькс

администратор

Пост N: 1440
Зарегистрирован: 17.11.06
Рейтинг: 4

Отправлено: 05.05.09 20:51. Заголовок: Tundonj toshksemat ..

Tundonj toshksemat Тундонь тошксемат

Lömzörks panzhty,
Лёмзёркс панжты,
Panzhty.. Asholdy panarso
Панжты.. Ашолды панарсо
Tundonj vesqent…
Тундонь весэнть…
Cökov mory,
Цёков моры,
Mory.. Choledi son minek
Моры.. Чоледи сон минек
Pire pesqent.
Пире песэнть.
Teshtjt cipeldit,
Тештть ципельдить,
Lipnit...
Липнить…
Toshksit mezde-buti
Тошксить мезде-бути
Sqen menelsqent.
Сэнь менельсэнть.
Lejes chudi,
Леесь чуди,
Chudi.. Jorvali chirenzqe
Чуди.. Ёрвали чирензэ
Lembe vedsqe.
Лембе ведьсэ.
Paksäs udy,
Паксясь уды,
Kasty tovzüro son tusto
Касты товзюро сон тусто
Vir chiresqe.
Вирь чиресэ.
Mon a udan,
Мон а удан,
Marän-kunsolan, koda
Марян-кунсолан, кода
Tundosj-mazychis
Тундось-мазычись
Oimesqem kody pizqe...
Оймесэм коды пизэ…

* * * * * *

Эрюшонь Вежай

Эрзянь нилькс

администратор

Пост N: 1443
Зарегистрирован: 17.11.06
Рейтинг: 4

Отправлено: 05.05.09 20:59. Заголовок: ..

Ваши плечи пахнут морем,
Предзакатным тёплым пляжем,
Не забуду привкус соли
Волн и поцелуев влажных…

… …

Кто-то гладит Ваши плечи,
Также пахнущие морем,
А рождественские свечи
Тают тихо с прошлым споря…

Erushonj Vezhai

2001 ije, tashtamkov-acamkov/

Эрзянь нилькс

администратор

Пост N: 1444
Зарегистрирован: 17.11.06
Рейтинг: 4

Отправлено: 05.05.09 21:03. Заголовок: Veike chi ..

[big] Veike chi Вейке чи

Veike chi ulninek veisqe,
Вейке чи ульнинек вейсэ,
Veike chi...
Вейке чи…
Valsken leisqe ekshelinek –
Валскень лейсэ экшелинек -
Kenärkschi!
Кенярксчи!
Min kuvatj-kuvatj vanynek
Минь кувать-кувать ванынек
Selmqstqe selmqs,
Сельмстэ сельмс,
Ansäk vest psi inzei turvat
Ансяк весть пси инзей турват
Savjs palsemqs.
Савсь палсемс.
Ods javit erämo kinek...
Одс явить эрямо кинек…
Mezt teinemqs..
Мезть тейнемс..
Kov vetäsamiz syn minek?
Ков ветясамизь сынь минек?
Tolgelqs? Vedqs?
Толгельс? Ведьс?
A lacevit syrgavt meltne,-
А лацевить сыргавт мельтне,-
Chumochi.
Чумочи.
Ansäk vest uljninek veisqe,
Ансяк весть ульнинек вейсэ,
Veike chi...
Вейке чи…

* * * * * *

Эрюшонь Вежай

Танюш

Пост N: 41
Зарегистрирован: 16.04.09
Откуда: Россия, Санкт-Петербург
Рейтинг: 1

Отправлено: 13.09.09 23:24. Заголовок: Эрюш, монь мельзэм п..

Эрюш, монь мельзэм пек тусь валморот Veike chi / Вейке чи. Мон велявтынь сонзэ рузунь кельс:

День один...

День один мы были вместе,
День один…
Плыли по реке любви мы-
Без ладьи!
Как глаза в глаза глядели –
Не забыть,
Сладость губ твоих горячих
Век любить.
Только день нам целоваться
Довелось.
К жизни прежней возвращаться -
Снова врозь…
Как мне жить теперь в разлуке
Без тебя?!
Приведёт в огонь, иль в воду
Жизнь моя?
Как с желаниями сладить?-
Вот беда…
Но любви томиться в сердце
Навсегда.
День один мы были вместе,
День один…

Эрзянь нилькс

администратор

Пост N: 1717
Зарегистрирован: 17.11.06
Рейтинг: 4

Отправлено: 14.09.09 10:27. Заголовок: Танюш пишет: День о..

Танюш пишет:

цитата:

День один...

Сюконян! Вадрясто лиссь. Мелезэм тусь.

Эрзянь нилькс

администратор

Пост N: 1445
Зарегистрирован: 17.11.06
Рейтинг: 4

Отправлено: 05.05.09 21:06. Заголовок: ..

Velinestqenek tujemstqe

Techi min tutano tiren Mastorstonok...
Mon chijan, rangan... Kepe, kartuztomo...
Sedejem skirdy risksqes, teke lazy –
Oiminem javtyt, nelgit erzän Pazom...

Mon chijan, rangan... Avarjdän vaigelsqe:
Meks min kadtano – kudonjt, sedei pelksqent?!
Kadtano virent, kalent, Surgut lejent,
Jutazj tundone ozavtozj kilejent?

Mon chijan, rangan... Vaigelem mik jomasj:
Techi min tutano... Vandy – jomi modasj...

* * *

Велинестэнек туемстэ

Течи минь тутано тирень Масторстонок…
Мон чиян, ранган… Кепе, картузтомо…
Седеем скирды рисксэсь, теке лазы –
Ойминем явтыть, нельгить эрзянь Пазом…

Мон чиян, ранган… Авардян вайгельсэ:
Мекс минь кадтано – кудонть, седей пельксэнть?!
Кадтано виренть, каленть, Сургут леенть,
Ютазь тундоне озавтозь килеенть?

Мон чиян, ранган… Вайгелем мик ёмась:
Течи минь тутано… Ванды – ёми модась…

* * *

Эрюшонь Вежай

Эрзянь нилькс

администратор

Пост N: 1455
Зарегистрирован: 17.11.06
Рейтинг: 4

Отправлено: 06.05.09 22:45. Заголовок: ..

Сёксень паламо

Тейтересь пильгесурнэс стясь
Ды казинзе монень турванзо…
Палсемензэ мелем арась…
Сёкень кельметне прасть а шкасто...

Сельведьсэ пештявкшность сельмензэ,
Сёксень экшесь кельмевтсь эйсэст...
Потмура чись прядызе пензэ…
Мик мазый онтнэнь ули пест...

Тейтересь пильгесурнэс стясь
Ды казинзе монень турванзо…
Пизёлонь сэпе тансть марявсь,
Зярдо палсинь сынст састо-састо...

Эрюш Вежай 2007 ие.

Эрий

Не зарегистрирован Зарегистрирован: 01.01.70

Отправлено: 23.05.09 22:34. Заголовок: Паламак монь Палам..

Паламак монь

Паламак монь,
Паламак кеместэ,
Кадык паламот эйсэм кирвитолокс пици!
Паламак монь,
Палсемек виевстэ,
Кадык вечкемась эрямонь кияванть эйсэнек вети…

Ванстса мельсэм
Лембе кутмордамот,
Кадык сон толсо кирвастни, лакавтни верем!
Ванстса мельсэм
Кольниця варштамот,
Кона токновты нейгак талныця седеем…

Саламак монь,
Саламак монь тестэ,
Кадык вечкеманок сонсь Верепазось несы,
Саламак монь,
Ливтятано вейсэ,
Тов, козонь менельстэ минек уцясканок сы…

Паламак монь,
Кутморяк кеместэ,
Ды киненьгак ней илямак, илямак максо!
Паламак монь,
Иля нолда кедьстэть,
Сонсь Нишкепазось минек вечкеманть ванстоссо!

Паламак монь…. Паламак монь…

---- ----- ----
Эрюш Вежай

Санкт-Петербург ош. 2009 ие, панжиков, 23 чи.

Семен

Пост N: 973
Зарегистрирован: 01.07.08
Рейтинг: 1

Отправлено: 23.05.09 22:51. Заголовок: Вадря морось лиси!!!..

Вадря морось лиси!!!!!

Lemie

Пост N: 4
Зарегистрирован: 22.02.09
Рейтинг: 0

Отправлено: 24.05.09 16:54. Заголовок: Семен пишет: Семен п..

Семен пишет: Семен пишет:

цитата:

Перевод на русский родился, благодаря дружественной поддержке Наташи Кажаевой

цитата:

Эрзянский поэт Эрюш Вежай

Семен пишет:

цитата:

Автором перевода является Татьяна Ротанова

Питерское эрзянское трио

В эти выходные Питерские эрзянье потрудились на славу!!!!!

Семен

Пост N: 974
Зарегистрирован: 01.07.08
Рейтинг: 1

Отправлено: 24.05.09 15:14. Заголовок: Эрзянский поэт Эрюш ..

Эрзянский поэт Эрюш Вежай, пишет красивейшие стихи на чистом эрзянском языке, его стих отличается максимально наполненным смыслом и красотой звучания языка. Читатель с первой сроки начинает понимать красоту и душу народа, в эрзянах, читающих стихи Э.Вежая, появляется гордость за свой язык и стремление защитить его. Автор стихов понимает и переживает за сложившуюся ситуацию с эрзянским языком и народом, в его стихах чувствуется мощная энергия, подобная вихрю, и эта положительная сила передаётся читателю, который, как правило, уже не остается пассивным.

На наш взгляд, в С.Петербурге в эти входные произошло интересное событие 23 мая 2009 г. Э.Вежай написал прекрасное стихотворние «Паламак Монь» и выложил его на форуме «Мелькужо». Каково было удивление, когда мы уже утром 24 мая увидели перевод этого стиха на русском языке. Автором перевода является Татьяна Ротанова – эрзянка, пишущая стихи на русском языке, и в последнее время все больше и больше на эрзянскую тему. Живет же она все в том же С.Петербурге.

Северная столица каким то чудесным образом начинает раскрывать душу эрзян, развивая современную эрзянскую литературу.

Перевод на русский родился, благодаря дружественной поддержке Наташи Кажаевой:

Целуй меня

Целуй меня,
Целуй сильней и крепче,
Пускай сгорю в том поцелуе, как в огне!
Целуй меня,
Пусть нас не хаос смерча -
Любовь по жизни проведёт, как по весне!

Меня согреет
Жар твоих объятий -
Огнём пылают! - Закипает моя кровь!
И сохраню,
Всем колдовством заклятий -
И трепет взгляда, и ответную любовь...

Похить меня,
Но укради не тайно.
И пусть Господь благословит нашу любовь!
Похить меня,
И улетим в тот рай мы -
Судьбе навстречу, под божественный покров...

Целуй меня,
Прижми к себе покрепче,
И никому вовек не отдавай меня!
Целуй меня,
Нас не пугают смерчи -
Ведь с нами Бог, а с ним любовь - сильна!

Целуй меня... Целуй меня...

Эрюш Вежай

Перевод Татьяны Ротановой

портал "Эрзянь ки"

Семен

Пост N: 975
Зарегистрирован: 01.07.08
Рейтинг: 1

Отправлено: 25.05.09 20:58. Заголовок: Эрюш Эрзянь кельс в..

Эрюш Эрзянь кельс велявтытся тейтересь кевстли кода тонеть рузунь кельс ютавтозь стихесь?

Эрзянь нилькс

администратор

Пост N: 1512
Зарегистрирован: 17.11.06
Рейтинг: 4

Отправлено: 26.05.09 23:13. Заголовок: Семен пишет: Эрюш Э..

Семен пишет:

цитата:

Эрюш Эрзянь кельс велявтытся тейтересь кевстли кода тонеть рузунь кельс ютавтозь стихесь?

Мелезэм тусь! Сюконямот тензэ!

Эрзянь нилькс

администратор

Пост N: 1522
Зарегистрирован: 17.11.06
Рейтинг: 4

Отправлено: 28.05.09 20:27. Заголовок: ..

Sedikelen madjjaronj moro

SzЁ¦les a Balaton vize, \ Pek kelei Balaton erkes,
Keskeny a hid rajta. \ Velkskanzo - teja sqed.
Ne menj arra, Ё¦des rozsЁўm, \ Ila jaka ton ezganzo,
Mert leesel rЁ®la. - Prat va langstozo veds.

Nem esek, nem esek \ A pran mon, a pran mon,
En a Balaton vizЁ¦be, \ A pran Balaton erken veds,
YnkЁўbb esek, Ё¦des rozsam, \ Pravlin martot, vechkevikskem,
VЁ¦led szerelembe. \ Vechkemanj tols-lembes.
--- --- --- --- --- ---

Madjjaronj kelstoe erzanj kels jutavtyz Erushonj Nataljt-Vezhaitj.
2001 ije. S-Peterburg-Poljarnoi.

Эрий

Пост N: 9
Зарегистрирован: 24.06.09
Рейтинг: 0

Отправлено: 25.06.09 22:02. Заголовок: Моро эрзянь цёрынент..

Моро эрзянь цёрынентень.

-Удока, цёра, удока...
Валдо-сэнь сельметь конитька,
Кадыть мелявксот, сэредьксэть,
Сестэ неят тон ютазь шкатнес сэдь...

Эзганзо ютамс тон иля капша,
Ютавтык васня айгорот-алашат,
Мейле ютавтык вашинеть,
Илязо пеле сон раужо ведтенть...

Ды илить стувто сялгот-налчирькеть,
Маштовить сынь тевс чистэяк ды веть,
Сестэ пачкодят тон шумбрасто,
Се Масторонтень, тон саевить косто...

Сонзэ лемезэ пек мазый ульнесь,
Лангозонзо вансть сявадыця сельмть,
Чилисемасто, чивалгомасто,
Ды чипельдеяк аволь чуросто...

Раськень ломанеть ламо пингть цидярдсть,
Ансяк уцяскась весть эйстэст велявтсь,
Торпаксясо прасть алят-андямот,
Вирьтнева сравтозь ульнесть пек ламот...

Се шкастонть нельгизь раськеть лемензэ,
Пинксызь оймензэ, таргсизь сельмензэ.
Теде эряви, цёра, теть содамс,
Тенек а ков ней удалов потамс...

Ванока, цёра, ней ванока...
Раськеть тарди, вант, апак лотка.
Учи идиця, учи аштиця,
Учи лемензэ велявтыця...

Те тевесь, содак, вельть аволь шожда,
Ансяк, цёра, теть вийть максы Модась.
Эрзянь масторсонть каст тон, виемтька,
Парстине вийтнень пурнытька!

1998 ие.

Эрий

Пост N: 19
Зарегистрирован: 24.06.09
Рейтинг: 0

Отправлено: 28.06.09 21:53. Заголовок: Пиже валскестэ… Ков..

Пиже валскестэ…

Ков ливтят,
либордый нармунь,
Сэнь певтеме
менельганть?
Бажат вастомс тон
чинь стямонть?
Онкстнемс менель
сэняжанть?

Ков бажат пачкодемс,
ломань?
Вешнят мезть
эрямоват?
Кува ютнят тон
прянь комазь?
Пайстомат?
Уцяскават?

Мон ардан-ливтян
певтеме
Пиже зоря
валскеванть.
Паро ёжом.
Велькссэм – менель!
Варминесь!
Пельнетнень - панть!

Ваньскавтык эйстэст
менеленть,
Нармунентень -
келе макст!
Ливтяк, нармунь,
пачк икелев!
Пазнармунь! Уцяскам –
ванст!

Эрюш Вежай
2009 ие, аштемков, 22 чинть пиже зорясто.

Семен

Пост N: 1215
Зарегистрирован: 01.07.08
Рейтинг: 2

Отправлено: 14.09.09 11:33. Заголовок: Монь мельс тусь!Вадр..

Монь мельс тусь!Вадрясто!!

Танюш

Пост N: 42
Зарегистрирован: 16.04.09
Откуда: Россия, Санкт-Петербург
Рейтинг: 1

Отправлено: 14.09.09 11:38. Заголовок: Сюконян весемень лем..

Сюконян весемень лембе валт кис!

Эрий

Пост N: 56
Зарегистрирован: 24.06.09
Рейтинг: 0

Отправлено: 30.09.09 22:37. Заголовок: Сельметь монень пеед..

Сельметь монень пеедить

Мон аволь тонь…
Тон аволь монь…
Эрямо кинек вейс а недить,
Сельме варштавксот васолонь
Менель тештинекс тень пеедить.

Учинь эйсэть…
Учить эйсэнь…
Ансяк ютксонок ули ломань,
Монень – ялга, тонеть – вечкень,
Колмонек вейсэ а улема.

Тон аволь монь…
Мон аволь тонь…
Вечкеманк трокст мон эзинь чалга,
Эстень меринь: - «Сон аволь монь,
Саик уцясканть эстеть, ялга…»

Мон аволь тонь…
Тон аволь монь…
Эрямо кинек вейс а недить,
Менелень тюсонь сельметь тонь
Иетнень пачк монень пеедить…

***

Эрюш Вежай
2009 ие, таштамков, 30 чи
С-Петербург ош

Танюш

Пост N: 65
Зарегистрирован: 16.04.09
Откуда: Россия, Санкт-Петербург
Рейтинг: 1

Отправлено: 30.09.09 22:42. Заголовок: Эрий пишет: Менелен..

Эрий пишет:

цитата:

Менелень тюсонь сельметь тонь
Иетнень пачк монень пеедить…

Эрзянь нилькс

администратор

Пост N: 1805
Зарегистрирован: 17.11.06
Рейтинг: 4

Отправлено: 31.10.09 16:41. Заголовок: Вирява! Шумбрат! Ван..

Вирява! Шумбрат! Вана муия эсь паргостом те ёвтнеминенть. Варштык, маштови,арась, невтемс сон ЭРЗИАНА И-вальмасонть. Аволь пелькстамос.

Чирязонь теште.[/b]

Раськень Озксонь анокстамонь меельце эвтемань читне улнесть вадрядояк вадрят. Манейть, лембеть, кувакат. Истямо читнестэ, мерят, ойметькак сэрей менельганть ливтни-укшны, тува, кува раужиньке налткекс-салмукскекс неявозь ювныть цянакатне, кува пачк нетви ашо парсеень кондямо шожда сувнэтне венстизь локсеень сёлмост певтеме менеленть келес. Лембе ялткетне састыне пувсить сынст чивалгома ёндо чилисемав.
Эрзятне ванды пурнавить ине покшчис. Сеть, кинь ойместэ эзь нардавт эрзянь мелесь, эрзянь койтне-илатне, палозь палыть те чинтень анокстамо тевтнесэ. Тевтнеде… Пест арасть… Эрявить важодиця машинаткак, кедтькак, валдо превтькак. Ломантнеде аламо, ансяк сеть, кить састь те ине чинтень, анокстамонзо-ютавтомонзо, кемить – весемезэ топавтови шкастонзо.
Кода эно. Тевтнень вети сонсь Пиргуж эрзянь Инязорось. Ломанесь кеме, теке ламо пингень тумонь мукорь. Сон таргошка тия лаки. Ардтни тей-тов. Пиже валскестэ талай вес маряви кемевтиця-меревтиця вайгелезэ. Васня Кшуманця ды Игнад велесэ, мейле Чукалсо, мааронть перькава, ды мейле мекев… Истя чинь чоп. Чамазо чинть каршо тюжт мери шумбрачинь вийсэ. Валдо сельмесэнзэ, мелявкстнэнь пачк неяви эрямонь вий ды маней, виев потмо ёжо.
Вакссонзо – кеме нежеть, нардев лездыцят: Гайнинькань Пичай, Кирдянонь Васяй, Юринь Михал… Сынь сизема а содыть, шканзо молеманть а марить. Лаказь лакить тевтнень топавтомсто. Лиякс эрзятне а маштыть, зярдо кундыть мельс туиця тевс.
<\/u><\/a>
Покштнэ важодить - мельгаст пштисэ вана ва колмоце чи пштисэ ванныть колмо цёрынень весемень неиця сельминеть…
Колмоце чи мааронть ваксс чиньстямо марто малавикс велестэнть чийнить неть кеменьшка иесэ эрзянь цёрабайтне. Мезеяк тесэ а юты пшти сельмест вакска…
Вана од цёрась витни мааронь кевенть. Цёрынетне чарыть перькаванзо: - Те мень кев? – Мень тешкс истямо мазый теезь лангсонзо? – Кие кевенть теизе?..
Теке киска левкст чарыть цёрынетне эрзянь мазый, од цёранть перька. Налкстыть тензэ. Тона кшувавтсынзэ, иляст меша. Сеть, теке озяскеть, ливтить ве ёнов, шкань ютазь одс маар кевенть перька пурнавить…
Тосо вана солавтыть шта, конанть эйстэ мейле валовтови Пазонь Штатолось. Гувны пси толгельсэ толпандясь. Тей кантневи ведь, тесэ лазновить пенгть… Тияяк велить пакшатне. Тенст эряви содамс, кода солавтови штась, мейсь эряви ведесь, кода валови Штатолось…
Маласо вирьнесэнть анокстави ведень саема ды симема тарка. Вирев латконть потмова чуди чудикерькс. Ведезэ – сиянь, ванькс, тантей. Лисьмапрятне, косто саеви чудикерьксэсь – а васолот. Секскак ведезэ симемскак маштови. Содасть минек покштятне, кува озксонь ютавтома таркатнень кочкамс! Цёрынетне лездыть Пичай лелянтень сёлтонь теемстэ. Синтрить тарадткеть пирявкскентень, ацыть коське тарадсо яннэнть, кона вети сёлткенть малас, теить ютамо-чалгамо тарка, пильгест ломантнень иляст начко ведень саемстэ.
Весе, мезе иляст тее тесэ покш ломантне, пек тукшны цёрынетнень мельс. Мейле мон некшнынь Раськень Озксонть ютавтомсто неть цёрынетнень. Сынь пштистэ вансть, кода стявтыльть Штатолонть, кода ютась Штатолонь кирвазтемась, Инешкипазнэнь ды покштятнэнень Пшкадемась, мааронь одкстомтомась, раськекирьксэнь теемась… Эрьва косо сынь ульнесть, эрьва ков кенерьсть…Штереть…Ёрот…
Ансяк сехте пек мельсэм кадовсь вана се…
Чокшнэ ёнов, зярдо тевтне прядома лангсольть, минь, эрзянь Чирязтнэ, тердинек Инязоронть ютавтомо истямо Раськень Озксонь икелень коенть: лисьмапрянь ведьсэ Инязоронь шлямо. Тень туртов теезель сёлтке, чиреванзо ацазель ансяк ледезь, тантейстэ качадыця тикше. Путынек Инязоронть тикшенть лангс ды ваньксстэ ванькс ведьсэ валнынек-шлинек прясто пильгс! Инязорось мик урнось-ирнэсь истямо мельспародонть ды зярдо стясь тикшестэнть кеме пильгензэ лангс – икеленек вельмесь теке од цёра: Ванькс! Виев! Валдо ойме! Кеняркс варштавкс! Алкуксонь эрзянь Инязор!
Те коенть лангс, сельмень пезнавтозь, вановтонь апак сайне, пштистэ вансть неть цёрынетне. Каявсь сельмезэм эйстэст вейкесь: ашола прине, валдо, превей сельмине. Кевкстимизь сон, келя, те мень кой истямо? Те кие истямось – Эрзянь Инязоро? Мень теште поводезь Чирязтнэнь ды Инязоронть мештьсэ?
Зярс оршнинек, Пичай чирязось лембестэ кутмордынзе цёрынень лавтовонзо ды ёвлесь тензэ эрзянь Инязортнэде. Невлесь тензэ: - Вант! Те вана икелеть алкуксонь эрзянь Инязорось!- Тона аволь пилесэ, панжадо сельмсэ-оймесэ кунсолось… Неявсь, арсеманзо верьга-васолга ливтнесть…
Меельцекс Пичай лелясь кевкстизе цёрыненть: - Мезе, ней содат, кие те, эрзянь Инязорось? Тона ахолдась прясонзо. Пичай поладызе кевкстеманзо: - Ули мелеть, зярдо касат, улемс эрзянь Инязорокс?
Цёрынесь таго ахолдась прясонзо ды кеместэ мерьсь: - Ули! Карман Инязорокс!
Пичай, кеме, сэрей эрзянь цёрась, састыне саизе цёрыненть кавто кавалалдо ды кепедизе виев кедьсэнзэ цёрыненть верев, менельс: - Ванодо, эрзят! Вана кодамо эрзянь цёра касы тенек Инязорокс!
Мон саия кирьгастом чирязонь тештенть ды понгавтыя цёрыненть мештьс: - Кирдть, цёра, Чирязонь тештенть! Те чешксэсь невтьсы теть кинть, кода теевемс эрзянь раськень Инязорокс!
Омбоце чистэнть, Толай чирязось, кона теизе ды казизе тень те кандтнема тештенть, марявсь, аламодо а мельсэ, кевкстимим: - Мекс Чирязонь Чешксэнть-тештенть а канднят?
Визделгадынь икелензэ, мейле ёвтния – кинь мештинесэ ней Чирязонь тештесь. Толай атясь мельспаросо мерсь: - Паро тев теить… Инязор касы…
Монгак тенень кеман: - Каст, Эрзянь Инязор!
---- ------ -----

Эрюш Вежай 2007 ие.

Эрзят, илядо пеле эрямо эрзянь мельсэ.
Эрзянь мель, эрзянь кель, Эрзянь Мастор! Спасибо: 0

Танюш

Пост N: 76
Зарегистрирован: 16.04.09
Откуда: Россия, Санкт-Петербург
Рейтинг: 1

Отправлено: 01.11.09 22:34. Заголовок: Шумбрат, Эрюш! Тонь ..

Шумбрат, Эрюш! Тонь ёвтнеминенть мон саинь, пек маштови!! Сюкпря тонеть!

Nilkss Eri

администратор

Пост N: 110
Зарегистрирован: 22.03.09
Откуда: Эрзянь Мастор, Пургаз
Рейтинг: 1

Отправлено: 01.11.09 22:46. Заголовок: Паро. Валот эждить с..

Паро. Валот эждить седеем.

Nilkss Eri

администратор

Пост N: 124
Зарегистрирован: 22.03.09
Откуда: Эрзянь Мастор, Пургаз
Рейтинг: 1

Отправлено: 28.11.09 23:12. Заголовок: Виряванень чачома чинзэ кувалма.

Виряванень чачома чинзэ кувалма.

1.
Начко ошсо
Начко менелесь
Начко ломантнень
Начкос лопавты.

2.
Петрань ошсо
Эрзянь авась
Эрьзянь марто
Ломанть содавты.

Эрюш Вежай

Танюш

Пост N: 105
Зарегистрирован: 16.04.09
Откуда: Россия, Санкт-Петербург
Рейтинг: 1

Отправлено: 28.11.09 23:21. Заголовок: Nilkss Eri пишет: В..

Nilkss Eri пишет:

цитата:

Виряванень чачома чинзэ кувалма.

Покш сюкпря, Эрюш! Шумбрачинь-парочинь арсемань кис весеменень сюконян!

Nilkss Eri

администратор

Пост N: 126
Зарегистрирован: 22.03.09
Откуда: Эрзянь Мастор, Пургаз
Рейтинг: 1

Отправлено: 28.11.09 23:25. Заголовок: Танюш пишет: Покш с..

Танюш пишет:

цитата:

Покш сюкпря

Те рузонь калька. Теке мелесь эрзякс:

Модас-пильгс сюконян....

Сюкпрясь а эрзи покшокс эли вишкинекс эрзянь кельсэ...

Танюш

Пост N: 107
Зарегистрирован: 16.04.09
Откуда: Россия, Санкт-Петербург
Рейтинг: 1

Отправлено: 28.11.09 23:32. Заголовок: Карман содамо))) Мод..

Карман содамо))) Модас-пильгс сюконян весеменень!!!

Ответов - 210 , стр: 1 2 3 4 5 6 All [только новые]

Ответ:

1 2 3 4 5 6 7 8 9

показывать это сообщение только модераторам
не делать ссылки активными

Имя, пароль:

зарегистрироваться

Форум » Сёрмадоматев/Литература » Эрюш Вежай. Ёвтнемат, валморот.

Тему читают:

- участник сейчас на форуме

- участник вне форума

Все даты в формате GMT 3 час. Хитов сегодня: 31
Права: смайлы да, картинки да, шрифты нет, голосования нет
аватары да, автозамена ссылок вкл, премодерация откл, правка нет

Создай свой форум на сервисе Borda.ru
Форум находится на 63 месте в рейтинге
Текстовая версия