Мелькужо Эрзянь Мастор - Форум Страна Эрзян, Форум Эрзя народа

Молитва за Эрзя народ/ Эрзянь раськенть кис озолмась.

Инешкипаз, Вере Чипаз,

мон течи пшкадян Тонеть.

Оймем штавтса прок ансяк чачозь

эйде икелеть.

Ули мелем панжомс оймем,

евтнемс Тонеть седейризксэм:

Кода ёмси, кода кулы тиринь раськем,

чачом келем.

Кодамо сюдовкс-апаро,

кундызе эрзянь Раськенть,

Кона допрок емавтызе тонь казненть,

чанстенть-келенть.

Кумажава пежетьс совась раськем икелеть,

Апак визде сон емавты Тонь Ине эрьменть.

Весе эрзянь ломантне икелеть,

кумажава чумочис совасть.

Репештятнень, Ине Маартнэнь ней

сынь а ванстыть,

Покштятнень лемест а кундсить,

Озкст а ютавтнить.

Яла вешнить лия Пазт сынь,

Тонь леметь стувтыть.

Эсь превсэст сынь тунь а эрить,

урекс пряст ловить.

Маралят, марават ней уж

Масторсонок а чачнить,

Эрзянь валдо ойме ломантнень

уре эрзятне свал покордыть.

Тонеть кемеманть, Тонь койсэ-лувсо эрямонть,

Апаро тевекс ловить.

Инешкипаз! Вере Чипаз, энялдан мон Тонеть,

Энялдан тиринь Раськем кис,

нолдык чумочинзэ,

Лездак раськентень панжомс икелечинь

валдо кинзэ.

Эрзянь келесь свал гайгезэ,

эрзянь эрямолувось вельмезэ,

Тонь лемесь, ды тонь Чанстесь

нильксэкс-штатолокс тенек улезэ!

Паз, чангодть! Паз, чангодть! Паз, чангодть!