Отправлено: 08.10.07 17:29. Заголовок: Эрзянь раськень пазне кемема валкс- словарь эрзянской традиционной религии

Эрзянь раськень пазне кемема валкс – Словарь эрзянской этнической религии.

A

Ава- те валось юр-нилькс , эрзянь койсэ кирдийтнень лемдямосост, сайсынек веденть , сонзе кирдиенть лемдить кода Ведень Кирди, истя Ведьава(Ведь+ава). Авась, нись, свал эрзянь раськенть мельежосонзо ульнесь шкинема, мельванома тёшксокс. Эрьва эрямоёнксонь виесь, сюлмавозь кавто юрсто-нилькстэ, авань чачома-шкинема, ды атянь-цёрань- раштавтомо-шкинеме кармавтыця, нама кирдиень вий юрось, те авань-церань вийсюлмавкс , секскак кирдийтнень лемест,сынест пшкадемась вейкетькс, кода Ава; мердяно Ведь Ава , истя Ведь Атя, аваксчинь-цёраксчинь вийсюлмавкстомо, эрямо арась.

Ава- буквально с эрзянского переводится как мать, женщина, женское начало. Символ созидания и почитания . Практически всегда, имена держателей стихий и стихиалий, в эрзянском языке двухосновные Ведь –вода , Ведень+кирди( воды хозяин держатель) в большинстве же случаях, эти держатели называются как Ведьава , Вирьава и т.д. Вся Вселенная состоит из сплетения двух энергий . Это мужского и женского начала, плюса и минуса, побуждения к творению, творение. Любое существо, как на физическом, так и на духовном плане обитания состоит из этих начал, зная это, наши предки, стремились обращаться к хозяевам стихий, держателям как женскому началу ибо это- творение, всязи счем имена многих держателей прочно вошли в обиход со второй основой ава. Атя, кирдий тоже, тождественны, по смыслу и форме в названии и обращении к держателям.

Авань поза-Инечинь Покшчитнень каштазсто- вейкесь. Кода Бабань Каша, истя Авань Поза, покшчитнень ютавтомаст, пры аватнень лангс. Ушодови те Покшчись, ознопалонь- позань анокстамосо, секскак лемезе Авань поза. Анокставови ниле чинь туро Инечиденть икеле . Куншкачинь(ср.) чокшнестэ, се кудосонть, косо ванставсь Атянь штатолось, кавто ават сыргить буень аватнень, ванды, позань човорямо, тердеме. Эрьва кудосонть, сыцятнене максови вейке сараз ал. Калоньчистэ (цт.) аватне пурнавить тердицятнень кудос, эрьвась туи почт ды позаушодкс. Ушодови позань теемась, кирвастеви штатолось ды сехти сыресь аватнестэ, пшкади истямо озолмасо- Инешкипаз ! Вере Чипаз, чангодть! Лездак тенек, улезе паро позанок, уцяскавсто ды шумбрачисэ ютазо иенек! Паз , чангодть!) Штатолсонть теи , чинь чарамонть коряс, кавксо колот поза парень велькска.
Покш пачалгосо реставить исень чинть максозь алтне. Аватне пурнавить морганть икелев, косо палы Атянь штатолось , сехти сыресь эйстест ютавты а покшке озкске.- « Инешкипаз ! Вере
Чипаз , чангодть! Тон трицянок ванстыцянок, макст тенек Шумбрачи! Чачост, касост сюронок, раштаст ракшанок, чачтыцят улест аванок, шумбрат-превейть касост пакшанок, покшолгадозо парочинек , улезе мейсэ ливамс Покштянок-Сэрдянок.Паз, чангодть! Инешкипаз ! Чангодть» Эрьва авась, саи пеншсэ рестазь алтненде, ды ливи -кунды лемест кулозь Покштянзо. Кудазоравась каванясынзе веси пуромт аватнень, конатат мейле туить кудова.
Шлямочисэ (суб.) кой-кона эздэст сы лездамо брагань пидемстэ.
Таргочистэ(ндч.) од ,мазы оршамосо оршнезь, пурнавить озскужонь-буень аватне ,эрьва кудостонть вейке ава ,туить мартост Шумбракшить-лувкшить, пачалксеть, панжакайть, артозь алт, штатолт. Сынст веси путсызь коинзамонть морганте. Озавась теи эрий тол, ды кирвастьсы Атянь буень штатолонть, конаньстэ эрьвейке авась, сувтасы эсинзе штатолонзо, сынь веси аравтневить коинзамо морганть ланга, озкспалтнень юткова. Мейле Озавась ды озксос пуромозтне ёвтасызь Ине Озолманть , ды Покштятнень ливамо Ине Озолманть.


Инешкипаз! Вере-Чипаз!
Тон, марицясь, кода тикше касы!

Тон, неицясь кода пеште панжи!

Неимизь, марямизь,
Сюконятано пильгезеть,
Пшкадтяно валдо оймезеть.
Верев кепедьсынек кеденек,
Масторов нолдасынек сюкпрянок.
Ознотано эрицянок кис,
Ознотано раськенек кис,
Ознотано эйденек кис,
Паксясо видезенть кис,
Кардазсо ракшанок кис.
Инешкипаз! Макст тенек
Сэтьме лембе пиземеть,
Чачост-касост сюронок,
Касост-кепедевест тяканок,
Раштыцят, улест аванок,
Макст Масторонтень ладямо,
Вейкень-вейкень вечкема,
Лисьмакс парот лисезэ,
Леекс эрьметь чудезе.
Кенкшпряваяк совазо,
Кеншалгаяк ютазо.
Минь Тонеть- Шумбракши!
Тон миненек –шумбрачи!
Ванстомизь, идемизь

Ятонь ломанде, ормадо-тармодо,
Апародо-зыяндо,
Даволдо-цярахмандо.
Вана пидинек ашо кеднесэ,
Вана панинек шожча мельнесэ,
Зяро кашасонть ямкстнеде,
Зняро макст эрьвантень ули паро.
Инешкипаз !Чангодть! Паз Чангодть! Паз Чангодть!

Инешкипаз! Вере Чипаз!
Чангодть! Паз Чангодть!
Эрзянь Покшт-Покштинеть,
Покштянь-Покшавинеть!
Сырк мерезе Покштинеть,
Матразь-оймазь киськиненк,
Раужо човаля модыненк.
Вана тердтядызь Озксов
Кши-салонок варчамо
Пурень-Брагань корштамо.
Ашо кедьсэ панинек
Шожча мельсэ пидинек.
Садо ваксозонок
Човоряводо юткозонок
Начтынк коське турвиненк,
Пештинк вачонь пекиненк,
Таньшкавтынк сэпей кургиненк.
Кинь лемезе кундави,
Кинь лемезе стувтови,
Илядо кежиявто,
Веси тынь-седейсэнек,
Веси тынь-минек верьсэ.
Минь тынк эйсэ лисинек,
Минь тыненк велявтано.
Садо, весе ,садо!
Илязт уле ве ёндо ваныцят,
Иляст уле сельмень сявадыцят.
Пачкодезе, Молезе! Паз, Чангодть!

Паз, Чангодть! Паз, Чангодть!

Знярдо озолматне ёвтавить, аватне каванить вейкест –вейкест коинзамо озкспалсо ды авань позасо (брагасо), кундыть Покштяст лемест. Ушонь куринкасо, те шкастонть, кудонть икелев пуромить од ават , тейтерть. Атянь штатолонть марто, озныцятне келейстэ панжсызь кудонь кенкшнень ды ортатнень, серьгедьсызь куринкасо учиця од аватнень, кудов. Од аватне арыть мельцек-мельцек ортатнень малава, ды сюконить сыретнене . Сыретне соватсызь аумок лисезь мирдене аватнень кудов .Озавась, тердьсынзе чиполасо, коинзамо морганть икелев, ды эрьбасо, локшинесэ, колмоксть вачкодьсы од аванть кутьмерь ланга ды мери –« Алыяк! Алыяк!» . Од авась тарги зепестэнзе пидезь артозь сараз ал, ды путсы морганть лангс. Тензе кандыть брага ды нолдасызь ушов. Косо анокставозь эземнень лангс, ливтить озкс палт, пуре, ды веси од аватне, тейтертне каванявить. Моравить коень морот, пазморот, ютавтовить раськень налксемат. Од аватнень туевть алтне, сеске керсевить ды явшевить сыре аватнене, конатне сынст сэвсызь, ды арсить од аватнене ламо шумбра –превей эйкакшт, пазчангодт ды шумбрачи.
Велесэнть пурнавить истят 4-5 озкскужот, конатнене совсить 10-40 кудот. Эрьва озкскужонь аватне, киштезь-моразь якить инжекс вейкест-вейкест туртов , икеле ардыть (алашасо) , палмань коната мазылгавтозь викшнезь нардамосо ды палманенть прясо чувтосто керязь алашань пря , те палманень лангс озы наян ава, ды моразь киштезь туи куринкатнева, иго-гокснезь. Озкскужотне каванить вейкест- вейкест. Ламо киштемат, морамот, нурька морынеть, велесь жой моли, кенярьксчи- покшчи. Омбоце чистэ, атянь чистэ (пн) веси таго, од аватнеде башка, пурнавить озкскужотнева, ютавтови озкс , озкспалсо каванямка, чокшне Атянь штатолонть тапарясызь коинзамо викшнезь нардамо потс, ды сундерьгадозь соватсызь шабра кудос коната совси те озкскужонтень, косо сон ванстови сы иес. Икелев молить колмо ават . Кедьсэст чувтосто керязь мандот конатнене понгавтнезь баягинеть, парсей суреть, ды эрьва тюсонь лентат. Мейле мельгаст (алашасо) таго колмо ават, ласте палмань лангсо. Мельгаст таго колмо ават, васенцекс азоравась, конань кудос ванставомо кандови Атянь штатолось, омбоце аванть кедьсэ Атянь штатолось, колмоценть кедьсэ шумбракши, поза кече марто , те ютазь Покшчинть-озксонть азоравась. Атянь штатолонть, сы иестэ, ванстамо кудазортне вастыть ды каванить коень ютавтыця аватнень. Мейле пазчангонь ды паронь арсезь озкскужонь ломатне туить эсь кудоваст.









Авань поза , один из праздников Инечи-Великого дня. Проводится и готовится он, как и моление Бабань каша, женщинами. За 3-4 дня до этого праздника проводится обряд зачинания ритуального напитка поза, отсюда и название Авань (женская) поза (ритуальный напиток).
В среду вечером , из того дома где хранилась в течении прошедшего года Родовая свеча , две молодые женщины идут приглашать женскую половину братчины-общины на ритуал зачинания позы-браги (позань човурямо). В каждом доме, приглашаюшим дают по сырому яйцу. В четверг в дом общины-братчины, собираются женщины, принося с собой по ведру муки и солоду. Затем Озава, старшая из женщин, проводит сам обряд завода позы- браги. Зажигают свечу –штатол, и все произносят молитву;-«Инешкипаз-Творец! Благослови! Пусть удастся наша брага, пусть будет счастливым и удачным год. Инешкипаз, благослови!»
Затем Озава делает свечой-штатолом восемь кругов по часовой стрелке над кадкой-парем, с брагой. Когда брага зачата, жарится на сковородке яичница из собранных на кануне яиц, все женщины вслед за озавой произносят молитву;- Инешкипаз-Творец! Благослови! Дай нам здоровья, пусть уродятся наши хлеба, преумножится наш скот. Пусть будет, чем поминать наших предков, подать нуждающимся и страждущим. Инешкипаз, благослови!»
После молитвы все приступают к трапезе, едят яичницу, при этом каждая поминает своих предков, после чего расходятся по домам.
Часть женщин на следующее утро приходят помогать хозяйке, варить брагу, готовить ритуальную пищу и принадлежности к завтрашнему молению.
В воскресенье из каждого дома общины приходит по одной женщине , одетой в новую праздничную эрзянскую одежду, приносит с собой ритуальный хлеб Лувкши-шумбракши, блины , лепешки, ракладывают их на ритуальном-молельном столе, который находится на восточной стороне избы, женщины так же приносят с собой свечи-штатолы, заносят Родовую свечу. Озава путем трения делает живой огонь и зажигает родовую свечу, от Родовой свечи, каждая из женщин, зажигает,


принесенную ею свечу. Свечи расставляются на молельном столе среди ритуальной пищи. Начинается само моление.
Озава с Родовой свечой в руках произносит сначала главную молитву Инешкипаза, затем главную молитву поминовения предков, вслед за ней, эти молитвы повторяют все присутствующие.( русский перевод этих молитв смотри в «Молитвослове эрзянской этнической религии».Закончив молиться, приступали к ритуальной трапезе, всмоминая имена предков, приглашая их на сотрапезничество.
В это время перед домом собираются с пением ритуальных песен, молодые женщины. Участницы моления настежь открывают ворота и двери, выходят встречать молодых. Молодые женщины становятся в ряд низко кланяются старшим , которые вводят их в молельный дом.
Каждую вышедшую недавно замуж молодушку, подводят к ритуальному столу и наклонив ее голову, слегка три раза, стегают
прутиком вербы или кнутиком по спине , при этом, приговаривая;- «Несись! Несись!». Каждая молодушка, вынимает из запазухи крашенное сваренное куриное яйцо и кладет ее на ритуальный стол. Старшие приподносят ей ковшик браги и затем провожают во двор. Здесь из досок устраивают скамейки, выносят брагу и ритуальную пищу, молодушки начинают трапезничать, пить брагу, петь обрядовые песни,танцуют национальные танцы и играют в народные игры.
Принесенные молодушками яйца, старшие разрезают и съедают, с пожеланием здоровья, чадородия и благополучия молодушкам.
В больших селениях обычно собирается около 3-4-х братчин-общин, в среднем по 10-40 домов, по окончании молитв, братчины с шумным шествием начинают ходить друг-другу, в гости. Братчиное шествие сопровождается веселым шумом шутками и прибаутками , впереди шествия на ипровизированных лошадях скачут трое женщин ( палка на одном конце которого вырезана голова лошади, украшенная колокольчиками, лентами) , подражая лошадям, порой кричат;-«Иго-го!», или же делается чучело лошади, которое несут на палках , все поют, пляшут, кругом царит веселье. Погуляв, немного вместе, каждая братчина возвращается к себе, снова угощаются ритуальными ятствами и под вечер расходятся по домам. На следующий день, вновь с припасами озкспалами ,собираются вместе, молятся, поют пазморот- гимны богу, угощаются. Молодушки в этот день не присутствуют. Вечером Родовая Свеча, переносится в соседний дом, где в следующем году пройдет Авань Поза на хранение, вернее сказать перевозят на (лошадях), считается, для родовой свечи это очень почетно и уважительно. После ( алашат-лошадей) идут три женщины в переди хозяйка дома, где будет храниться Родовая Свеча, в руках у второй Родовая свеча, у третьей Шумбракши-ритуальный хлеб и кувшин с поза-пуре. Хозяева дома угощают пришедших праздничным ужином, после чего все расходятся по домам.



Авнянь кирди –Авнява-авнянь ванстыця, кирдиця. Авнясо костявить сюронь пултнэ, пивсэмадо икеле. Неень шкане авнянть полавты латыне косо костяви тикше, модарькат, пангт, чурькат-пурькат. Сонензе ютавтови, алтави озкс. Инечинь таргонть калоньчистэ(цт). Валске ланга, озкспалокс авнянть икеле печкеви атякш, веренть нолдасызь авнянть икелев варянтень, коната тееви авнянь теемсте, сон вельтязь кевсэ. Печкезь атякшонть совасызь кудов, ды пидесызь. Чипельксте ливтить чакш пия, пидезь атякшонть, шумбракши, пачалксеть, кашат, рестазь алт ды лия озкспалт . Веси тень путсызь коинзамо викшнезь нардамотнень ланга кирвастить штатол ды ютавтыть озкс. Евтасызь Авнявань Озолманть.

Я! Паз, чангодть! Инешкипаз, чангодть!
Авнянь кирди-авнява!
Костям пултнень лангсо азорава!
Марикая, озксонок,
Саикая , аноксонок,
Вана кшинек салонок, брага марто чакшонок,
Пуре марто кеченек.
Сюконинек –пульзинек, сюкприненек максынек.
Мезе вештяно, сень макст,
Мезде пельдяно, сеньде ванст.
Костить -ванстыть пултонок,
Вирьстэ кочказь тикшенек.
Эмежь пирень эрьменек.
Ванстыть душман ломанде,
Ломань парочис, сельмень сявадыйде,
Ломань парочинь салыйде.
Парсте костить , парсте ванстыть ,
Пурнавт-кочкавт, ледевт-таргавт,
Норовонок, эмеженек, Пазонь казевть эрьменек,
Иень туро ванставозо, весеменень сон сатозо.
Пачкодезе-молезе, веси парсте лисезе.
Сюк, сюк .теть авнява, авнянь кирди-азорава!
Паз, чангодть! Паз, чангодть! Паз, чангодть!

Ёвтыть сюкпрят авнявантень , варчасызь озкспалонть. Шумбракшинь пелькст путыть авнявантень, ваканс каить ды кадыть тензе пия.
Эжели эйкакш сэреди, пурныть байге ( роса) валске ланга авнянть маласто, ды шлясызь-нардасызь эйкакшонть. Пшкадить Авнявантенть,-: « Инешкипаз! Вере Чипаз, Чангодть! Авнянь кирди, Авнява! Саик эйденть эйстэ, орманть тармонть, рангоманть –пижнеманть. Макст тензе сэтьмечи ды шумбрачи! Пачкодезе-молезе! Кода мерине ,истя лисезе! Паз Чангодть! Инешкипаз, Чангодть!»


Держательница овина, сооружения, предназначающегося для сушки снопов, перед обмолотом. В настоящее время используются навесы для сушки сена, лечебных трав, приправ, грибов, корнеплодов и пр. Для того, что бы сохранился урожай, хорошенько просох. Держательнице овина проводят специальное моление , обычно на пасхальной неделе в четверг. Утром возле навеса –овина, режут петуха, кровь пускают в землю, специальная ямочка накрытая камнем. Петуха дома варят. В обед домачадцы собираются возле овина-навеса, приносят с собой жертвенную пищу (варенного петуха, шумбракши –ритуальный хлеб, поза-пуре, блины, каши и другую снедь), растилают обрядовое покрывало возле овина ,на котором раскладывается принесенная жертвенная снедь. Хозяин зажигает свечу и произносит молитву Авнявы (смотри в молитвослове).
Затем, присутствующие едят жертвенную снедь. Для авнявы отламывают, и оставляют ломтик ритуального хлеба, и наливают в чашку брагу. К Авняве обращаются так же при болезнях младенцев. Для этого собирают росу возле овина –навеса, умывают им там же младенца и произносят следующую молитву;-« Инешкипаз! Благослови! Авнянь ава, возьми с младенца крик и хворь, дай ему спокойную тихую жизнь и крепкое здоровье!»

Так же исцеляется, диатез и прочие кожные высыпания у младенцев, при умывании и заговаривании слегка секут по ягодицам, вербной веткой младенца , пугая, выгоняя болезнь.





Азор- кавто валсто, кезерень суоми-угрань вейсэнь кельстэ лисевть вал; Ас-Оз+ ор,ар , лувозо истямо Ас –те шумрба, ёроков ломань, ойме. Ор, ар-эриця, эрямо нилькс, (кода калгодо истя чова рунгосо) эсь тевень –мелень топавтыця –теиця ойме , ломань. Азорава – теке , ансяк ава ломань. Эрзянь раськень пазне кемема койтнесэ кирдийтнене мерить азорт.

Азор- хозяин, двухосновное слово, пришедшее из прафинно-угорского общего языка . Ас-Оз+Ор-ар, смысл следующий Ас –это шустрый, смышленый , всезнающий человек, дух. Ар, ор- жить , житель, жизнь (для сравнения жизнь на языках многих ф-у. народов произносится как; эряф, эрямо, elema и т.д.). Утверждения некоторых лингвистов, что это индоиранское заимствование я считаю не состоятельным.Духов держателей называют азорами – хозяевами. Азорава- буквально переводится как, хозяйка.


Айгор озкс- вант алашань озкс.

Смотри Алашань озкс.

Ал-те коинзамонь, аноксонь ярсамопель. Сонзе лувозо чачома-касома, раштамо.
Яйцо является одним из элементов ритуальной обрядовой пищи, оно символизирует плодородие, богатство.

Алатырь кев-ёвтамонь коряс, ули Ине эрькесэ усия , усиясонть алатырь кев ,конань покш виезе.

Алатырь камень –мифологическое понятие , по преданиям на Великом Озере сесть остров на том острове камень силы. Используется во время заговоров от болезней.




Алашань озкс озкс конатась алтави лишметнене, сон ютавтови кизна, озимтнень видемадо мейле, умарьковонь 31-це чистэнть, ознома латкосо, коинзамонь кавто пешксе, пиче, чувто ало. Озксонть ютавтомадо чиде икеле , пурнавил озкспалокс-аноксокс ярмак , сонзе пурныть веленек .Теть ярмактнень лангс рамави; медь, пурень теемга, аноксок ракша реве, бука, ды лия коинзамонь ярсамопельть.
Алашань озксось аволь эрьва иень, колмо иес ютавтови весть, ансяк сеть иетнестэ ,знярдо лишметне сэредить, ютавтнить кавксть –колмоксть иезензе. Те озксось цера ломанень, секскак сонзе ютавтомо сыть эрьва кудостонть колмо цера ломанть; покштясь, церазо ды веженьсь нуцькабаезе. Озатясь, озксонть ютавтомадо чиденть икеле, аравты озсонь ютавтомга лездыця, кудораське. Лездыцятне озкс ютавтома чидень икеле чокшнстэнть, озксчувтотнень алов ускить- кандыть пенгт, соргавкст , чакшт, ды лия кедьенкст, конатат эрявить озксонть ютавтомга. Валске ланга, эрьва кудазоравась пани лувкши, сонзе верьгаксо пидезь сараз алт, озксов молицятне саить таго лия озкспалт мартост те; рестазь алт, кашат ды сал, штатол. Озкспалтне аравтневить руця ланга ряцек-ряцек, эрьвась кирвасти Атянь штатолстонь, лувкшинзе лангс штатол. Колмо Озксветийтне-Озатятне, сыремтьсызь эрий толсо озкс толбандянть, ды печксызь аноксокс алтавт буканть, васня сонзе ланга каить ведь, эжели

букась соракады , те вадря тешкс верде , кирдийтнень мельс тусь аноксось, веренть нолдасызь анокскевенть алов, кевесь таркастонзо а токшеви, чувить ваксозонзо ундыне ды веренть нолдамодо мейле валясызь ашо човарсо. Буканть печкемемадо икеле прявт озатясь евты озолма.

Инешкипаз! Вере Чипаз!
Верев кепедьсынек кеденек,
Масторов нолдасынек сюкпрянок.
Тонеть течи озксонок,
Тонь лемс;- аноксонок , озномапалонок.Саик! Паз,чангодть!
Саик! Инешкипаз , чангодть!


Букань кеденть понгавтсызь, озкс ве чувтонтень, лездыцятне ушодыть сывеленть керсеме ды озкс ямонь пидеме. Озатятне стить чилисема ёнов, озкс чувтнень вакс, озксов сыцятне сынст мельга, стить куманжа лангс ды ушодови чекамо-покамось, озолманть ёвтыть озатятнень мельга. Васенцекс евтави Ине Озолмась.

Инешкипаз! Вере-Чипаз!
Тон, марицясь, кода тикше касы!

Тон, неицясь кода пеште панжи!

Неимизь, марямизь,
Сюконятано пильгезеть,
Пшкадтяно валдо оймезеть.
Верев кепедьсынек кеденек,
Масторов нолдасынек сюкпрянок.
Ознотано эрицянок кис,
Ознотано раськенек кис,
Ознотано эйденек кис,
Паксясо видезенть кис,
Кардазсо ракшанок кис.
Инешкипаз!Макст тенек
Сэтьме лембе пиземеть,
Чачост-касост сюронок,
Касост-кепедевест тяканок,
Раштыцят, улест аванок,
Макст Масторонтень ладямо,
Вейкень-вейкень вечкема,
Лисьмакс парот лисезэ,
Леекс эрьметь чудезе.
Кенкшпряваяк совазо,
Кеншалгаяк ютазо.
Минь Тонеть- Шумбракши!
Тон миненек –шумбрачи!
Ванстомизь, идемизь

Ятонь ломанде, ормадо-тармодо,
Апародо-зыяндо,
Даволдо-цярахмандо.
Вана пидинек ашо кеднесэ,
Вана панинек шожча мельнесэ,
Зяро кашасонть ямкстнеде,
Зняро макст эрьвантень ули паро.
Инешкипаз !Чангодть! Паз Чангодть! Паз Чангодть!

Теде мейле, озатятне ёвтасызь Покштятнень-Сэрдятнень ливамо, Ине озолманть. Веси озныцятне таго ёвтыть мельгаст сонзе.

Инешкипаз! Вере Чипаз!
Чангодть! Паз Чангодть!
Эрзянь Покшт-Покштинеть,
Покштянь-Покшавинеть!
Сырк мерезе Покштинеть,
Матразь-оймазь киськиненк,
Раужо човаля модыненк.
Вана тердтядызь Озксов
Кши-салонок варчамо
Пурень-Брагань корштамо.
Ашо кедьсэ панинек
Шожча мельсэ пидинек.
Садо ваксозонок
Човоряводо юткозонок
Начтынк коське турвиненк,
Пештинк вачонь пекиненк,
Таньшкавтынк сэпей кургиненк.
Кинь лемезе кундави,
Кинь лемезе стувтови,
Илядо кежиявто,
Веси тынь-седейсэнек,
Веси тынь-минек верьсэ.
Минь тынк эйсэ лисинек,
Минь тыненк велявтано.
Садо, весе садо!
Илязт уле ве ендо ваныцят,
Иляст уле сельмень сявадыцят.
Пачкодезе, Молезе! Паз, Чангодть!

Паз, Чангодть! Паз, Чангодть!

Эрьвейке озныцясь эсь пачканзо, терди озксов покштятнень-покшаватнень ( ёвты, ливи лемест)
Ушодови алашатнень кисэ озолмась.

Я. Паз, чангодть! Верепаз трицянок-ванстыцянок, Чангодть!
Неемизь-марямизь, ознотано икелеть,
Верев кепедьсынек кеденек, масторов нолдасынек сюкпрянок.
Марик озксонок, менель алга нолдык, мастор ланга сравтык,
Чачост касост озименек, раштаст ракшанок.
Ки, а машты озномо, энялдтано: сеньгак озксонзо саик,
Эрьвантень макст Шумбрачи, ды икелев моли тевть.
Ракшанькирди –Ракшапаз! Кардонь кирди,Кардо –Сярко!
Максодо минек алашатнене, седейнезэст-седей вий,
Пильгинезэст – пильге вий,
Знярдо сынь велева ардыть, стака сельмеде,
апаронь теийде ванынк-пиринк.
Нолдык пиже тикшинес, нолдынк ашо коромнэс.
Эрзянь Покштят-Покштинень, Покштянь-Покшавинеть,
Матразь –оймазь кискинеть, тындяк уледе ванстыцякс,
Велень-сядонь алашатнень апаро, душман ломанде,
Салыйде, ормадо-тармодо, пирицякс.
Кардо-Сярко, Кардонь кирди Азорава!
Анды-симди, ванны-пири, алашанок.
Иляст понго берянь сельмс,
Иляст понго салый кедьс,
Паз Чангодть! Инешкипаз, чангодть!

Веси сюконить ды эсь мельсэст евтыть сюкпрят Инешкипазонтень, ды сонзе аравт кирдийтнене, Покштятнене-Сэрдятнене, озксост марямга, ды алашаст ванстомга –пирямга.
Озатятне колмоксть ютасызь Шумбракшитнень, кавто кедьсэ токасызь эрьватанть ды мерить:- «Паз, чангодть!». Колмоцедэ ютамсто, икелев молицясь, саи кедезензе пеель, чакш, ды эрьва Шумбракшистэнть кери кшипелькс, путсы чакшонтень, мейле те чакшось валяви анокскевенть вакс, мода потс.
Веси озыть, ушодыть озксямонть ды брагань ярсамо –варчамо, эрьватась каи аламнешка брага ды сюкони озксчувтотнене. Цёратне ярсамсто ушодыть кезерень Пазморонь морамо. Чокшнень пелев састынькине озныцятне срадыть кудова. Саить Шумбракшинь палт, ды кудосо максызь алашатнене, ды путыть Кардо-Сярконтень.


Алашань Озкс (Айгор, лишмень) – моление проводимое в честь лошадей , обычно проводится один раз в три года, в некоторые тяжелые годы падежа скота, наоборот около трех раз в год. Время проведения моления , в конце лета 31 августа, после посева озимых. Проводится в молельном овраге под священными липами или соснами. За несколько дней до проведения моления собираются денежные пожертвования с членов общины, на покупку меда,для приготовления ритуальной браги, жертвенного быка и другого необходимого для проведения этого общинного моления. Это моление чисто мужское , поэтому на него, обычно с каждого дома идут трое мужчин; самый старший, старший сын, а так же самый младщий из внуков.
Озатя –страший жрец, назначает помощников для проведения озкса, обычно это члены одной семьи. Перед днем проведения озкса, привозят к месту таинства ритуальные принадлежности , дрова. Утром каждая хозяйка готовит ритуальный хлеб, на верхушке которого запечены куриные яйца. Кроме ритуального хлеба берут так же с собой другую ритуальную пищу, свечу-штатол. Жертвенная пища раскладывается в ряд на ритуальных полотенцах, каждый старец зажигает свечу от Родовой и ставит его на свой ритуальный хлеб. Старший жрец и два его помощника делают живой огонь путем трения, от которого зажигается огонь ритуального костра. Окатывают холодной водой жертвенного быка , и приносят его в жертву произнося при этом следующую молитву.
Инешкипаз! Создатель !
К тебе протягиваем свои руки,
До самой земли склоняем свои головы.
Тебе посвящаем свое моленье,
Для тебя наша жертва, ритуальные наши хлеба.
Прими, возьми и благослови!
Прими –возьми, Создатель, благослови!
Инешкипаз, благослови!

Кровь пускается под жертвенный камень, акуратно что бы, не одна капля ее не попала на сторону, после чего обсыпается место вокруг камня, белым речным песком.

Снятую шкуру жертвенного быка вешают на одну из священных лип или сосну. Помошники начинают разделывать жертвенное мясо, варят жертвенный суп.
Жрецы становятся лицом на восток, возле священных деревьев, остальные становятся за ними на колени, начинается сам озкс, сначала произносится главная молитва Инешкипаза, затем главная молитва поминовения предков( молитвы повторяются вслед за жрецами). Молящиеся, приглащают про себя своих предков на общинное моление.
Затем начинается молитва за лошадей( смотри перевод молитвы в молитвослове)
Все молящиеся кланяются до земли и про себя благодарят Инешкипаза-Создателя, духов –держателей кирдиев, силу предков, за помощь и поддержку в преумножении и сохранении лощадей. Жрецы три раза обходят ритуальные хлеба двумя руками касаясь их и говоря –« О , Создатель! Благослови!». При обходе в третий раз, впереди идущий старший жрец, ритуальным ножом вырезает по маленькому кусочку от каждого ритуального хлеба и кладет этот кусочек в чашу. Затем зарывает эту чашу в землю возле ритуального камня. Помошники разносят обрядовый суп, и брагу, каждый из молящихся, походит к священному дереву и делая поклон льет под корень немного ритуальной браги. Все угощаются, до самого вечера поют священные обрядовые песни и гимны. Ближе к закату солнца собираются домой, беря с собой кусочки оставшего ритуального хлеба, которым угощают дома лошадей, а так же ложат на загнетку в сарае для Кардаз сярко-духу покровителю двора.